ԵՐԵՎԱՆ, 4 նոյեմբերի – Sputnik. Տուլայի մոտ տեղի ունեցած ավտովթարի հետևանքով զոհվածների մարմինները Ռուսաստանից Հայաստան տեղափոխելու համար հայկական կողմը բանակցություններ է վարում ռուս գործընկերների հետ, Sputnik Արմենիա պորտալին հայտնեց ՀՀ տարածքային կառավարման և արտակարգ իրավիճակների նախարարության ճգնաժամային կենտրոնի ազգային կենտրոնի օպերատիվ հերթապահ, փոխգնդապետ Հարություն Չեբեյանը։
Ավելի վաղ ԶԼՄ–ները հայտնել էին, որ հնարավոր է` ՌԴ-ում ավտոբուսի վթարից մահացած ուղևորների մարմինները նոյեմբերի 4-ին տեղափոխեն Հայաստան։
Չեբեյանի խոսքով` այս պահին հայկական կողմը բանակցություններ է վարում ռուսական կողմի հետ, և դեռ հստակ որոշված չէ, թե նրանց մարմինները երբ կտեղափոխվեն Հայաստան։
«Կողմերը դեռ բանակցում են։ Կառավարական հանձնաժողովն արդեն Տուլայում է»,– ասաց Չեբեյանը։
Նա ավելացրեց նաև, որ այս պահին տուժածներից երեքը գտնվում են «Նովոմոսկովսկի» բուժկենտրոնում, 15-ը` Ուզլովայայի, 8-ը` Կիրեևսկի հիվանդանոցում։
Չեբեյանը նշեց, որ ճշտվում է, թե քանի մարդ է գտնվում վերակենդանացման բաժանմունքներում։
Երեկ ՀՀ վարչապետ Հովիկ Աբրահամյանի որոշմամբ ստեղծվել է հանձնաժողով, որը կզբաղվի 2015 թվականի նոյեմբերի 3-ին ՌԴ Տուլայի մարզում տեղի ունեցած Մոսկվա-Երևան երթուղու ավտոբուսի վթարի հետևանքով զոհված ՀՀ քաղաքացիների հուղարկավորության կազմակերպման և տուժած քաղաքացիներին և նրանց ընտանիքներին անհրաժեշտ օգնություն ցուցաբերելու հարցերով։
Զոհվածների մարմինները տեղափոխելու հարցը քննարկվում է ռուս գործընկերների հետ
12:37 04.11.2015 (Թարմացված է: 13:04 04.11.2015)
© МЧС России по Тульской области
Բաժանորդագրվել
Երեկ ՀՀ վարչապետի որոշմամբ ստեղծվել է հանձնաժողով, որը կզբաղվի Տուլայի մարզում տեղի ունեցած վթարի հետևանքով զոհված ՀՀ քաղաքացիների հուղարկավորության կազմակերպման հարցերով
