ԵՐԵՎԱՆ, 4 նոյեմեբերի – Sputnik. Նոյեմբերի 2-ի լույս 3-ի գիշերը Մոսկվա-Երևան ավտոբուսի վթարի հետևանքով մահացած ուղևորների մարմինները հնարավոր է՝ նոյեմբերի 4-ին տեղափոխեն Հայաստան: Այս մասին news.am-ի թղթակցին հայտնել է ՌԴ-ում ՀՀ դեսպանության ՏԿԱԻՆ ներկայացուցիչ Արտակ Ղազարյանը:
Նա ասել է, որ առավոտյան Տուլայում կլինի արդեն ՀՀ կառավարական հանձնաժողովը, որի անդամները հանդիպումներ կունենան իրենց ՌԴ գործընկերների հետ:
«Ովքեր ի վիճակի կլինեն, նոյեմբերի 4-ին հնարավոր է՝ արդեն գան Հայաստան: Չի բացառվում, որ նույն օրը Երևան կտեղափոխվեն զոհված ուղևորների մարմինները»,- ասել է Արտակ Ղազարյանը:
Դեռևս հայտնի չէ, թե շրջանի հիվանդանոցներում գտնվող տուժածները երբ կտեղափոխվեն Երևան:
2015-ի նոյեմբերի 3-ին, ժամը 02:10-ին Տուլայի մարզի Ուզլովյան շրջանի Մ-4 «Դոն» ավտոճանապարհի 221 կիլոմետրում Մոսկվայից Երևան ուղևորվող «Higer» ավտոբուսը վթարի էր ենթարկվել։ Ավտոբուսում 59 ուղևոր էր եղել, որոնցից 8-ը, վերջին տվյալով, զոհվել են:
Բոլոր տուժածներին տեղափոխել են Ուզլովայա, Կիրեևսկ եւ Բոգորոդիցկ քաղաքների հիվանդանոցներ։ Այժմ ոստիկաններն ուսումնասիրում են տրանսպորտային միջոցի տեխնիկական անսարքության տարբերակը, միաժամանակ չի բացառվում այն վարկածը, որ վարորդը ղեկի դիմաց քնել է:
Ավտոբուսի վարորդ Գառնիկ Հարությունյանը ձերբակալված է:
Հնարավոր է՝ ՌԴ-ում ավտոբուսի վթարից մահացած ուղևորների մարմինները նոյեմբերի 4-ին տեղափոխեն Հայաստան
© Ruptly
Բաժանորդագրվել
Դեռևս հայտնի չէ, թե շրջանի հիվանդանոցներում գտնվող տուժածները երբ կտեղափոխվեն Երևան
