ԵՐԵՎԱՆ, 3 նոյեմբերի– Sputnik. Իսրայելցի հնագետները հայտարարել են, որ տասնամյա որոնումներից հետո կարողացել են Երուսաղեմի կենտրոնում պեղել Աստվածաշնչում հիշատակված կառույցը, որտեղից Ալեքսանդր Մակեդոնացու ժառանգները կառավարել են նվաճված քաղաքը։
Քարե ամրանների փլատակները, որոնք գտնվել են հանրային ավտոկայանատեղի վայրում, գիտնականները «սենսացիա» են անվանում։ Նրանք կարծում են, որ իրենց հայտնագործությունը վերջ կդնի Ակրա ամրոցի գտնվելու վայրի մասին բազմամյա բանավեճին։
«Նոր հնագիտական գտածոները վկայում են, որ այստեղ լավ ամրացված ամրոց է եղել, որը վերահսկել է հրեական տաճարի բոլոր մուտքերը և կտրել այն Երուսաղեմի հարավային շրջաններից»,– հաղորդել է Իսրայելի հնությունների վարչությունը։
«Այստեղ գտնված բազմաթիվ մետաղադրամները, որոնք թվագրվում են Անտիոք IV և Անտիոք VII թագավորների գահակալության շրջանով, գինու համար նախատեսված ամանները նշում են ամրոցի հետ կապված իրադարձությունների ժամանակագրությունը, ինչպես նաև վկայում են դրա տիրակալների ոչ հրեական ծագման մասին»,– նշված է պեղումների ղեկավարների մամուլի հաղորդագրությունում։
Հնագետները գտել են այն ամրոցը, որտեղից հույն նվաճողները կառավարել են Երուսաղեմը
21:07 03.11.2015 (Թարմացված է: 21:21 03.11.2015)
© Sputnik / Юрий Сомов
/ Բաժանորդագրվել
Հայտնաբերվել են քարե ամրանների մնացորդներ, որոնք կարող են վերջ դնել Ակրայի ամրոցի գտնվելու վայրի մասին բազմամյա բանավեճին։ Ալեքսանդր Մակեդոնացու ժառանգները հենց այդ ամրոցից են կառավարել Երուսաղեմը
