ԵՐԵՎԱՆ, 3 նոյեմբերի– Sputnik. Ռուսական օդուժի կողմից Սիրիայում իրականացվող գործողություններն ու Եգիպտոսում տեղի ունեցած ավիավթարը տարբեր հարցեր են, որոնք պետք չէ կապել, այդ թեմայով շահարկումները շատ են, երեքշաբթի լրագրողներին է ասել Ռուսաստանի նախագահի մամուլի քարտուղար Դմիտրի Պեսկովը։
Քննարկելով А321–ի վթարը և Սիրիայում ընթացող հակամարտությունը` Պեսկովը նշել է, որ այս դեպքում ոչ մի դատողություն տեղին չէ։ «Այդ թեմայով ենթադրություններ անելը բացարձակապես անիմաստ է։ Եվ հետո դրանք տարբեր հարցեր են, և պետք չէ դրանք կապել»,– ասել է նա։
«Այդ հարցի շուրջ շահարկումներ են սկսվել։ Մենք բազմիցս կոչ ենք արել, որ երբ քննություն է ընթանում, անշուշտ, կարելի է որքան ասես շահարկել։ Բայց չի նշանակում, որ դա կապ ունի իրերի իրական դրության հետ։ Երբ որևէ տեղեկություն լինի, այն կտրամադրվի հասարակությանը»,– ասել է Պեսկովը` նշելով, որ դեռ անհայտ է, թե ավիավթարի մասին երբ հասարակությանը տեղեկություն կտրամադրվի։
«Առայժմ չեմ կարող պատասխանել ձեր հարցին, որովհետև դեռ նոր տվյալներ չունենք»,– ասել է Պեսկովը` պատասխանելով այն հարցին, թե ահաբեկչության հետքեր կա՞ն ռուսական ինքնաթիռի վթարից հետո։
Ինչպես պարզաբանել է Ռուսաստանի նախագահի մամուլի քարտուղարը, դեռ երկրորդն օրն է, որ հետաքննում են ավիավթարի դեպքը, այդ պատճառով հասարակությանը մանրամասն տեղեկություն տրամադրելու հնարավորություն առայժմ չկա։
Կրեմլ. Ռուսաստանի գործողություններն ու A321-ի վթարը պետք չէ կապել իրար
16:54 03.11.2015 (Թարմացված է: 16:55 03.11.2015)
© RIA Novosti / Максим Григорьев
Բաժանորդագրվել
Ռուսական օդուժի կողմից Սիրիայում իրականացվող գործողություններն ու Եգիպտոսում տեղի ունեցած ավիավթարը «բացարձակապես տարբեր հարցեր են», և այդ թեմայով շահարկումները որևէ կապ չունեն իրականության հետ, հայտարարել է Ռուսաստանի նախագահի մամուլի քարտուղարը
