Ռուսաստանի ԱԻՆ–ի Իլ-76 ինքնաթիռը երկուշաբթի վայրէջք է կատարել Սանկտ Պետերբուրգի օդանավակայանում։ Ինքնաթիռը Սանկտ Պետերբուրգ է տեղափոխել A321–ի ավիավթարի 144 զոհերի մարմինները։ Դիտեք տեսանյութում, թե ինչպես են զինվորականները Պուլկովո 2–ում սպասում ինքնաթիռի վայրէջքին։
ԱԻՆ–ի ինքնաթիռը Սանկտ Պետերբուրգ է տեղափոխել Սինայի թերակղզում «Կոգալիմավիա» ավիաընկերության A321 Airbus–ի վթարի հետևանքով զոհվածների մարմինները։
«Ռուսաստանի ԱԻՆ–ի հոգեբանները, շտապօգնության աշխատակիցները մշտապես գտնվում են մահացածների հարազատների և մտերիմների կողքին։ Նրանք մասնագիտական աջակցություն են ցուցաբերում վշտահար մարդկանց»,– հայտնել է Ռուսաստանի ԱԻՆ ճգնաժամային իրավիճակների կառավարման ազգային կենտրոնի պետի պաշտոնակատար Ալեքսեյ Սմիրնովը։
Մահացածների մարմինները կտեղափոխվեն դիակիզարան, որտեղ նրանց սպասում են դատաբժշկական փորձագետներն ու քննչական մարմինների ներկայացուցիչները։ Դիակիզարանից հետո կգան մահացածների հարազատները` ճանաչման գործընթաց անցկացնելու համար։ Շաբաթ օրը ռուսական և խորհրդային ավիացիայի պատմության մեջ ամենախոշոր աղետն է գրանցվել. Եգիպտոսում վթարի է ենթարկվել Airbus А321 ինքնաթիռը, որում 224 ուղևոր է եղել: Կահիրեում ՌԴ դեսպանատան տվյալով՝ ոչ ոք ողջ չի մնացել:
Փրկարարները պատգարակներով են դիմավորել ավիավթարի զոհերի մարմինները տեղափոխող օդանավին
© Копирайт МЧС РФ
Բաժանորդագրվել
