ԵՐԵՎԱՆ, 1 նոյեմբերի – Sputnik.Թուրքիայում ընթանում են խորհրդարանական արտահերթ ընտրությունները, որին մասնակցում է 16 կուսակցություն, այդ թվում՝ իշխող «Արդարություն և զարգացում», ընդդիմադիր քեմալական Հանրապետական ժողովրդական, ծայրահեղ ազգայնական «Գորշ գայլերին» հարող կուսակցությունը:
Հիշեցնենք, որ հունիսի 7-ին Թուրքիայում տեղի էին ունեցել խորհրդարանական ընտրություններ: Խորհրդարանում հայտնված 4 կուսակցություններից ոչ մեկին չի հաջողվել բացարձակ մեծամասնություն ձևավորել (550 պատգամավորից բաղկացած խորհրդարանում մեծամասնություն ապահովելու համար անհրաժեշտ է 275+1 ձայն)՝ միայնակ կառավարություն կազմելու համար: 40.98 տոկոս ձայն ստացած իշխող «Արդարություն և զարգացում» կուսակցությունը խորհրդարան անցած մյուս կուսակցությունների հետ կոալիցիոն կառավարություն կազմելու համար բանակցություններ էր վարում: Սակայն կոալիցիոն կառավարություն կազմելու համար Էրդողանի կողմից լիազորված ԱԶԿ նախագահ և Թուրքիայի վարչապետ Ահմետ Դավութօղլուի` մյուս կուսակցությունների ղեկավարների հետ անցկացրած բանակցությունների արդյունքում այդպես էլ կառավարություն կազմելու շուրջ համաձայնության ձեռք չէր բերվել:
Թուրքիայում ընտրելու իրավունք ունի 54 միլիոն 49 հազար 940 մարդ:
Արտահերթ ընտրություններ են ընթանում Թուրքիայում
© Sputnik / Дмитрий Виноградов
/ Բաժանորդագրվել
Թուրքիայում ընթանում են խորհրդարանական արտահերթ ընտրությունները, որին մասնակցում է 16 կուսակցություն
