ԵՐԵՎԱՆ, 1 նոյեմբերի – Sputnik. Ադրբեջանում ընթանում է խորհրդարանական ընտրությունների քվեարկությունը: Ընտրական տեղամասերն աշխատում են ժամը 08:00-ից: Քվեարկությունը կավարտվի ժամը 19:00-ին:
Ադրբեջանի խորհրդարանի ընտրություններին մասնակիցների թիվը տեղական ժամանակով ժամը 15.00-ի (14.00 Մոսկվայի ժամանակով) դրությամբ կազմել է 42,9%, վկայում են հանրապետության ԿԸՀ-ի կայքում հրապարակված տվյալները:
Քվեարկության ընթացքի, ընտրողների մասնակցության ակտիվության մասին նախնական տվյալները հաղորդվում են օրվա ընթացքում 5 անգամ (ժամը 10:00-ին, 12:00-ին, 15:00-ին, 17:00-ին և 19:00-ին): Տվյալները տրամադրվում են Կենտրոնական ընտրական հանձնաժողովին (ԿԸՀ)-ին կից տեղեկատվական կենտրոնի կողմից: Ընտրությունների նախնական արդյունքները կհայտարարվեն գիշերը և կտեղադրվեն ԿԸՀ-ի կայքում շրջանային ընտրական հանձնաժողովների ընդհանրացված արձանագրություններն ըստ ընտրատեղամասերի ստանալուց անմիջապես հետո:
Ադրբեջանում խորհրդարանական ընտրությունների ընթացքին հետևում է 503 միջազգային դիտորդ 40 կազմակերպություններից, այդ թվում` Եվրոպայի խորհրդի Խորհրդարանական վեհաժողովից (ԵԽԽՎ), Անկախ Պետությունների Համագործակցության (ԱՊՀ) Միջխորհրդարանական վեհաժողովից, Թուրքալեզու երկրների խորհրդարանական վեհաժողովից: Դիտորդական առաքելություն իրականացնող ամենամեծ խումբը ԱՊՀ–ինն է ՝ 150 դիտորդ, ԵԽԽՎ դիտորդների խումբը բաղկացած է 30 աշխատակիցներից:
Երկրի պատմության մեջ Ադրբեջանի միապալատ խորհրդարանի 5-րդ ընտրությունները (Միլի Մեջլիս) մեկնարկել են կիրակի։ Խորհրդարանի 125 տեղին հավակնում է 767 թեկնածու: Ընտրություններն ացկացվում են մեծամասնական կարգով:
Ադրբեջանում խորհրդարան են ընտրում
![Города мира. Баку Города мира. Баку - Sputnik Արմենիա](https://cdn.am.sputniknews.ru/img/04/02/040210_0:0:3084:1736_600x0_80_0_0_6e5c3130c0f40ea2d989e595b9aa66f1.jpg)
© Sputnik / Владимир Федоренко
/ Բաժանորդագրվել
Ադրբեջանի միապալատ խորհրդարանի 5-րդ ընտրությունները մեկնարկել են կիրակի։ Խորհրդարանի 125 տեղին հավակնում է 767 թեկնածու: Ընտրություններն ացկացվում են մեծամասնական կարգով