ԵՐԵՎԱՆ, 31 հոկտեմբերի – Sputnik. Եգիպտոսի Սինայի թերակղզում կործանված ռուսական ինքնաթիռի անկման ականատեսները պատմում են, որ տեսել են թե ինչպես է մինչև ընկնելը օդում այրվում ինքնաթիռի շարժիչը, հայտնում է «Ալ Մասրի ալ Յաում» լրատվական պորտալը:
«Տեսել ենք այրվող օդանավ, ենթադրաբար շարժիչն էր այրվում», — ասում են տեղի բնակիչները:
Նրանց խոսքերով` տարածքը, որտեղ հայտնաբերվել են ինքնաթիռի մնացորդներն ու մահացած մարդկանց մարմինները, մեծ տարածք է լեռնոտ տեղանքում։
31 հոկտեմբերի 2015, 15:34
Եգիպտոսի քաղավիացիայի նախարարությունը պաշտոնապես հաստատել էր Սինայի թերակզղու տարածքում ռուսական քաղաքացիական ինքնաթիռի կործանման փաստը։ Ավելի վաղ Ռոսավիացիայի աղբյուրը հայտնել էր, որ «Կոգալիմավիա» ավիաընկերության` Շարմ էլ Շեյխ – Սանկտ Պետերբուրգ 9268 թռիչքն իրականացնող Airbus-321 օդանավը Եգիպտոսից օդ է բարձրացել Մոսկվայի ժամանակով ժամը 6.51-ին (Երևանի ժամանակով` 7:51) և 23 րոպե անց անհետացել է ռադարների էկրաններից: Ինքնաթիռում գտնվում էր 217 ուղևոր և օդանավի անձնակազմի 7 անդամ:
