ԵՐԵՎԱՆ, 31 հոկտեմբերի – Sputnik. Նյու Յորքում Great Jack O' Lantern Blaze ամենամյա շոուի ժամանակ, որը նվիրված է Հելոուինի տոնակատարությանը, ներկայացվում են դդմից պատրաստված հազարավոր գեղարվեստական աշխատանքներ։ Մեծ ու փոքր ֆիգուրները` մեծ վարպետությամբ պատրաստված նարնջագույն բանջարեղենից, վառ լուսավորված են և ներկայացված անդրշիրիմյան տոնի երկրպագուների դատին։
Այս տարի վարպետները պատրաստել են ավելի քան յոթ հազար դդմե լապտերներ, որպեսզի ուրախացնեն ցուցահանդեսի հյուրերին։
Դդմից դեմք պատրաստելու ավանդույթը դարերի պատմություն ունի։ Իռլանդական լեգենդի համաձայն` ժլատ, հարբեցող դարբին Ջեքը մի անգամ առաջարկել է դժոխքի տիրակալին` իր հետ խմել պանդոկում։ Երբ եկել է վճարելու ժամանակը, իռլանդացին խնդրել է սատանային մետաղադրամ դառնալ, որից հետո Ջեքն արագ դրել է այն գրպանը, որտեղ պահել է արծաթե խաչ։ Սատանան հայտնվել է թակարդում և որքան էլ փորձել է, չի կարողացել ստանալ նախկին տեսքը։ Ի վերջո սատանան ազատագրվել է` խոստանալով մեկ տարի Ջեքի դեմ դավեր չնյութել, իսկ նրա մահվանից հետո չհավակնել նրա հոգուն։
