«Ոչ»–ի ճակատի հանրահավաքն ավարտվեց. երթը չկայացավ

ԵՐԵՎԱՆ, 30 հոկտեմբերի –Sputnik. Սահմանադրական փոփոխությունների դեմ հանդես եկող ուժերի ձևավորած «Ոչ»–ի ճակատի հաջորդ հանրահավաքը տեղի կունենա նոյեմբերի 20-ին, ժամը 17:00-ին, Ազատության հրապարակում: Այս մասին հայտնում է news.am-ը։

Այս մասին այսօր՝ հոկտեմբերի 30-ին, երևանյան հանրահավաքի ավարտին հայտարարեցին «Չեք անցկացնի» նախաձեռնության անդամները:

Նախապես պլանավորված երթը, որը պետք է տեղի ունենար այսօրվա հանրահավաքի ավարտին քաղաքի կենտրոնական փողոցներով, տեղի չունեցավ անձրևի պատճառով:

Նշենք, որ «Ոչ»-ի ճակատին միացել են «Ժառանգություն», ՀԺԿ, Հայ Ազգային Կոնգրես կուսակցությունների և «Հիմնադիր խորհրդարանի» ներկայացուցիչները:

Սահմանադրական փոփոխությունների հանրաքվեն տեղի կունենա դեկտեմբերի 6-ին: Հանրաքվեի քարոզարշավը սկսվել է հոկտեմբերի 10-ից: