ԵՐԵՎԱՆ, 30 հոկտեմբերի – Sputnik. Երևանի կենդանաբանական այգու գիշատիչների բաժնի խնամող Վարդան Գրիգորյանի վիճակը կայուն է։ Գրիգորյանի ձեռքը վնասել է այգու առյուծներից մեկը։
Դեպքը տեղի է ունեցել հոկտեմբերի 29-ին ժամը 16:00-ի սահմանում, աշխատակցի անուշադրության պատճառով, երբ վերջինս հատել է առյուծներին մոտենալու անթույլատրելի սահմանը` խախտելով գիշատիչների հետ աշխատանքի անվտանգության կանոնակարգը:
Բժիշկները երիտասարդի վիճակը կայուն են գնահատում, կյանքին և առողջությանը վտանգ չի սպառնում։
Այգու անվտանգության աշխատակից Հենրի Մերխոշյանի արագ արձագանքման և ճիշտ գործողությունների շնորհիվ Վարդանին հաջողվել է ազատել և շտապ բուժօգնություն ցուցաբերել:
Վարդան Գրիգորյանին վնասել է Զևս անունով առյուծը, որը ծնվել է Երևանի կենդանաբանական այգում 2008 թվականին: Այս պահին Վարդանը գտնվում է թիվ 1 համալսարանական հիվանդանոցում:
Մեր տեղեկություններով` տուժածին վիրահատել են։
Առյուծի հարձակումից տուժած տղամարդու վիճակը կայուն է
© Sputnik / Максим Григорьев
/ Բաժանորդագրվել
Այգու անվտանգության աշխատակիցներից մեկը հասցրել է արագ արձագանքել և առաջին օգնություն ցուցաբերել։ Վնասվածք ստացված տղամարդուն տեղափոխել են թիվ 1 համալսարանական հիվանդանոց
