Գազի պայթյունը քանդել է բնակելի շենքի մուտքը. նկարահանում դեպքի վայրից

Գազ է պայթել Խաբարովսկի մոտ գտնվող Կորֆովսկի գյուղի եռահարկ բնակելի շենքում։ ԱՊ–ի հետևանքով քանդվել է մեկ մուտք, ոստիկանության նախնական տվյալներով` տուժել է երկու մարդ, ևս 17–ի ճակատագիրն անհայտ է

Ինչպես հաղորդել են ԱԻՆ Հեռավոր Արևելքի տարածաշրջանային կենտրոնի մամուլի ծառայությունից, ԱՊ–ի տեղում փրկարարական աշխատանքներում ներգրավված է 316 մարդ և 56 միավոր տեխնիկա։

Շրջանի իրավապահ մարմինների աղբյուրի տվյալներով` շենքի փլատակների տակ կարող է գտնվել 17 մարդ։

Ավելի վաղ Խաբարովսկի երկրամասի ՆԳՆ գլխավոր վարչության մամուլի ծառայությունը հաղորդել էր, որ Կորֆովսկի գյուղում գազի պայթյունի հետևանքով, որը գտնվում է Խաբարովսկից 40 կիլոմետր հեռավորության վրա, ավերվել են շենքի մուտքերից մեկի երեք հարկերը պահող կառույցները։ Մամուլի ծառայության տվյալներով` ոստիկանության աշխատողները շրջափակել են դեպքի վայրը։ Արտակարգ պատահարի պատճառները պարզվում են։