ԵՐԵՎԱՆ, 30 հոկտեմբերի– Sputnik. Յիհլավայի վավերագրական ֆիլմերի միջազգային 19-րդ կինոփառատոնի շրջանակում անվանի վավերագրող ռեժիսոր, սցենարիստ, արվեստի վաստակավոր գործիչ Արտավազդ Փելեշյանը պարգևատրվել է համաշխարհային կինոյում ունեցած ներդրման համար, հաղորդում է orer.eu-ն:
«Մեծ պատիվ է, որ ինձ շնորհվել է այս հեղինակավոր մրցանակը, և ես ցանկանում եմ շնորհակալություն հայտնել փառատոնին և Յիհլավա քաղաքին»,- նշել է Փելեշյանը։
Փառատոնը մեկնարկել է հոկտեմբերի 27-ին, այն կշարունակվի մինչև նոյեմբերի 1-ը:
Պրահայում Արտավազդ Փելեշյանն արդեն անցկացրել է վարպետության դաս Չեխիայի կատարողական արվեստների ակադեմիայի կինոյի և հեռուստատեսության ֆակուլտետի ուսանողների համար，իսկ Պոնրեպո կինոթատրոնում անցկացվել է նրա ֆիլմերի հետահայաց ցուցադրություն, որից հետո մինչև կեսգիշեր տևել է դահլիճի և վարպետի հարցուպատասխանը։
Վարպետը Չեխիայում է Կատարողական արվեստների ակադեմիայի հրավերով։
