ԵՐԵՎԱՆ, 30 հոկտեմբերի- Sputnik. Չինաստանի ռազմածովային ուժերի հրամանատար, ծովակալ Ու Շենլին հայտարարել է այն վտանգի մասին, որ «աննշան միջադեպը» կարող է պատերազմ սադրել՝ Հարավ-չինական ծովում Վաշինգտոնի գործողություններն անվանելով «սադրիչ», հաղորդում է Ռոյթերս գործակալությունը:
Չինացի ծովակալն այդ հայտարարությունն արել է հինգշաբթի ամերիկյան գործընկեր Ջոն Ռիչարդսոնի հետ տեղի ունեցած տեսակոնֆերանսի ընթացքում:
ԱՄՆ ներկայացուցիչը, ելույթ ունենալով նախկինում, նշել էր, որ կողմերը պայմանավորվել են բանակցություններ վարել՝ տարածաշրջանում կոնֆլիկտային իրավիճակներից խուսափելու համար:
Չինաստանի ԱԳՆ-ն երեքշաբթի հաղորդել էր, որ ամերիկյան ավիակիր Lassen-ն առանց Պեկինի թույլտվության մտել է Հարավ-չինական ծովի տարածք Նանշա վիճելի կղզիների մոտ, որոնք Չինաստանը համարում է իրենը: ԱԳՆ-ն բողոք է հայտնել ԱՄՆ-ին` հայտարարելով, որ այդ գործողությունները խախտում են Չինաստանի ինքնիշխանությունը:
Պենտագոնը հաստատել է Հարավ-չինական ծովում գործողության փաստը և չի բացառել ապագայում նման գործողությունները: Պաշտպանության նախարար Էշթոն Քարթերի խոսքով՝ գործողությունները կանցկացվեն գալիք շաբաթներին և ամիսներին: ԱՄՆ-ը հայտարարում է, որ կիրականացնեն պարեկություն, եթե համարեն, որ այն համապատասխանում է միջազգային իրավունքին:
Չինաստանը նախազգուշացրել է ԱՄՆ-ին Հարավ-չինական ծովի շրջանում պատերազմի վտանգի մասին
© Sputnik / Юрий Кавер
/ Բաժանորդագրվել
Չինացի ծովակալ Ու Շենլին ամերիկյան գործընկերոջ հետ տեսակոնֆերանսի ընթացքում տարածաշրջանում ԱՄՆ ՌԾՈՒ գործողությունն անվանել է «սադրիչ»: Միաժամանակ Պենտագոնը չի բացառում ապագայում նման գործողությունների կրկնության հնարավորությունը
