ԵՐԵՎԱՆ, 30 հոկտեմբերի– Sputnik. Հայաստանի արտգործնախարար Էդվարդ Նալբանդյանը ողջունել է Պարագվայի Սենատի կողմից Հայոց ցեղասպանության ճանաչումը, ասված է ՀՀ ԱԳՆ պաշտոնական կայքում:
«Հայոց ցեղասպանության միջազգային ճանաչման շարունակական ընդլայնումը վկայում է, որ մարդկության դեմ իրականացված հանցագործությունները վաղեմության ժամկետ չունեն, և Հայոց ցեղասպանությունից նույնիսկ հարյուր տարի անց մարդկությունը շարունակում է ճանաչել և դատապարտել այդ ոճրագործությունը»,- ասված է արտգործնախարարի ուղերձում։
Նալբանդյանի խոսքով` այս քայլով Պարագվայի Սենատը կարևոր ներդրում կատարեց ցեղասպանությունների և մարդկության դեմ հանցագործությունների կանխարգելման միջազգային ջանքերում։
Պարագվայի խորհրդարանի վերին պալատը՝ Սենատը, նախօրեին միաձայն ճանաչել է Հայոց ցեղասպանությունը:
Օրինագիծը ներկայացրել է Պարագվայի Առաջադեմ ժողովրդավարական կուսակցությունը` ՀՅԴ Հայ դատի հանձնախմբի աջակցությամբ: Օրինագիծը ներկայացրել է սենատոր Դեզիեր Մասին, նրան աջակցել է ևս ինը սենատոր՝ բոլոր խմբակցություններից:
Նալբանդյան. Պարագվայի Սենատը կարևոր ներդրում կատարեց ցեղասպանությունների կանխարգելման ջանքերում
© АРКА
Բաժանորդագրվել
Հայաստանի արտգործնախարար Էդվարդ Նալբանդյանը ողջունել է Պարագվայի Սենատի կողմից Հայոց ցեղասպանության ճանաչումը
