ԵՐԵՎԱՆ, 29 հոկտեմբերի– Sputnik. Սերենա Ուիլյամսը հանդիպում է Ալեքսիս Օհանյանի` Reddit լրատվական կայքի հիմնադրի հետ, գրում է Elle–ն` հղում անելով US Magazine–ին։
«Ալեքսիսը նրան անվանում էր նրան «փոքրիկս» և բռնել էր նրա ձեռքը»,– մեջբերում է հրատարակությունն աղբյուրի խոսքերը, որը տեսել է զույգին նախօրեին Լոս Անջելեսի մարմնամարզության դպրոցում բարեգործական ակցիայի ժամանակ։
Ալեքսիս Օհանյանը 32–ամյա ձեռնարկատեր է Նյու Յորքից։ Նա վերջերս է հայտնվել Սերենայի կյանքում, սակայն արդեն սիրել է թենիսը։
«Ալեքսը խոստովանել է, որ միշտ անտարբեր է եղել սպորտի նկատմամբ, բայց Սերենայի հետ ծանոթությունից հետո ռակետ է վերցրել ձեռքը»,– հաղորդել է ինսայդերը։
Reddit նախագիծը, որի հիմնադիրն Օհանյանն է, աշխարհի ամենաշատ այցելություն ունեցող կայքերից է։ Դա սոցիալական լրատվական կայք է, որտեղ գրանցված օգտատերերը կարող են տեղադրել ինտերնետից ցանկացած տեղեկատվության հղում։ Կայքում գործում է ամենահետաքրքիր հաղորդագրությունների քվեարկության համակարգ, որոնք հայտնվում են գլխավոր էջում։
Ավելի վաղ ԶԼՄ–ները հաղորդել են, որ Ուիլյամսը երեխայի է սպասում ռեփեր Դրեյքից, որի հետ կրկին սկսել է հանդիպել 2011թ.–ին բաժանումից հետո։ Թենիսիստուհուն իսկապես մի քանի անգամ նկատել են Դրեյքի հետ Անգլիայում Ուիմբլդոնի ժամանակ և Ցինցինատիի մրցաշարում, ընդ որում ԱՄՆ–ում զույգին պապարացիները նկարել են ռեստորանում ժամադրության ժամանակ։
