ԵՐԵՎԱՆ, 27 հոկտեմբերի– Sputnik. Երկու պիտբուլտերիերներ Ստավրոպոլի երկրամասում հոշոտելով սպանել են երկու տարեկան երեխայի, հաղորդում է ՌԴ ՔԿ քննչական վարչությունը։
«Նախնական տվյալներով` երբ երեխան քնած է եղել, մայրը որոշ ժամանակով գնացել է տնից` ավագ դստերը դպրոցից վերցնելու համար։ Այդ ժամանակ տղան արթնացել է և ինքնուրույն դուրս եկել փողոց, որտեղ նրա վրա հարձակվել են բակում պահվող երկու «պիտբուլտերիեր» ցեղատեսակի շներ։ Վերադառնալով տուն` կինը փողոցում գտել է անշունչ տղային»,– ասվում է հաղորդագրությունում։
Տղայի պարանոցի և որովայնի հատվածում գտել են ատամների բազմաթիվ հետքեր։
Ներկա պահին քննիչներն անցկացնում են քննչական ստուգում և պարզում պատահարի բոլոր հանգամանքները։
Պիտբուլները երեխա են հոշոտել Ստավրոպոլի երկրամասում
Բաժանորդագրվել
Նախնական տվյալներով` երեխան ինքնուրույն դուրս է եկել տնից մինչ մայրը դպրոցից վերցրել է ավագ դստերը։ Վերադառնալով տուն` կինը փողոցում գտել է անշունչ որդուն
