ԵՐԵՎԱՆ, 27 հոկտեմբերի– Sputnik. Հայաստանը հիշում է 1999թ.–ի հոկտեմբերի 27–ին խորհրդարանում տեղի ունեցած ահաբեկչական գործողության զոհերին, որոնց թվում էին նաև ԱԺ խոսնակն ու երկրի վարչապետը։
Սգո միջոցառումներն ավանդաբար անցկացվում են խորհրդարանի բակում` ահաբեկչական գործողության զոհերի հուշարձանների մոտ։
16 տարի առաջ մի քանի ահաբեկիչներ ներխուժեցին խորհրդարանի շենք և սպանեցին ԱԺ խոսնակ Կարեն Դեմիրճյանին, վարչապետ Վազգեն Սարգսյանին, փոխխոսնակներ Յուրի Բախշյանին և Ռուբեն Միրոյանին, օպերատիվ հարցերով նախարար Լեոնարդ Պետրոսյանին, պատգամավոր Արմենակ Արմենակյանին, Հենրիխ Աբրահամյանին և Միքայել Քոթանյանին
Ահաբեկիչների նկատմամբ դատական գործը սկսվեց 2001թ.–ի փետրվարին և տևեց մինչև 2003թ.–ի դեկտեմբերը։ Ցմահ բանտարկության դատապարտվեցին խմբի պարագլուխը` Նաիրի Հունանյանը, նրա եղբայրը` Կարեն Հունանյանը, նրանց քեռին` Վռամ Գալստյանը, ինչպես նաև` Դերենիկ Բեջանյանը, Էդիկ Գրիգորյանը և Աշոտ Կնյազյանը։ Համլետ Ստեփանյանը դատապարտվեց 14 տարվա ազատազրկման։ 2010թ.–ի մայիսին «Նուբարաշեն» ՔԿՀ–ում պատիժ կրող Ստեփանյանը հանկարծամահ եղավ։
Մեղադրյալները մեղավոր ճանաչվեցին հայրենիքի դավաճանության, ահաբեկչության, հատկապես վտանգավոր պետական հանցագործություններ կատարելու համար։
Հայաստանը հիշում է 1999թ.–ին խորհրդարանում տեղի ունեցած ահաբեկչական գործողության զոհերին
© Photo : official site of the Parliament of RA
Բաժանորդագրվել
16 տարի առաջ մի քանի ահաբեկիչներ ներխուժեցին խորհրդարանի շենք և սպանեցին ԱԺ խոսնակ Կարեն Դեմիրճյանին, վարչապետ Վազգեն Սարգսյանին, փոխխոսնակներ Յուրի Բախշյանին և Ռուբեն Միրոյանին, օպերատիվ հարցերով նախարար Լեոնարդ Պետրոսյանին, պատգամավոր Արմենակ Արմենակյանին, Հենրիխ Աբրահամյանին և Միքայել Քոթանյանին
