ԻՊ–ի գրոհայինները սկսել են պայթեցնել մարդկանց ու ճարտարապետական հուշարձանները

ԵՐԵՎԱՆ, 27 հոկտեմբերի– Sputnik. «Իսլամական պետություն» ահաբեկչական խմբավորման ահաբեկիչները նոր դաժան մահապատիժ են հորինել. նրանք սկսել են պայթեցնել ճարտարապետական հուշարձանները մարդկանց հետ միասին, հաղորդում է «Российская газета»–ն` հղում անելով CNN–ին։

Հաշվեհարդարը կազմակերպվել է հին Պալմիրայում։ Երեք «դատապարտյալներին» կապել են անտիկ սյուներին, իսկ հետո` պայթեցրել։

2014թ.–ի դեկտեմբերին ՌԴ գերագույն դատարանի որոշմամբ «Իսլամական պետություն» և «Ֆրանտ ան Նուսրա» կազմակերպությունները ահաբեկչական խմբավորումներ են ճանաչվել։ Կազմակերպությունների գործունեությունն արգելվել է երկրի տարածքում։