Մեծ Բրիտանիայի կենդանաբանական այգում հյուրանոց է բացվել

ԵՐԵՎԱՆ, 24 հոկտեմբերի – Sputnik. Մեծ Բրիտանիայի կենդանաբանական այգում հյուրանոց է բացվել, գրում է lenta.ru-ն՝ հղում անելով TheDailyMail-ին:

TheLodge-ում նախապատվեր ձևակերպելու ծառայությունը կգործի հոկտեմբերի վերջից:

Հյուրանոցային համարների պատուհաններից երևում է, թե ինչով են «զբաղված» գորիլան ու գետաձին, ինչպես են այգու աշխատակիցները կերակրում կենդանիներին:

Բացի այդ, զբոսաշրջիկները նույնպես կկարողանան անձամբ կերակրել փոկերին, կարմիր պանդաներին և առյուծներին: Այցելուները կարող են կենդանաբանական այգում զբոսնել անգամ այգու փակվելուց հետո, նրանց կուղեկցի հատուկ աշխատակիցը:

Երեկոյան հյուրերին առաջարկվող ընթրիքը բաղկացած կլինի չորս ճաշատեսակից, որոնք կպատրաստի հյուրանոցի շեֆ-խոհարարը: Առավոտյան ճանապարհորդները կմասնակցեն սուրիկատների կերակրմանը, իսկ նախաճաշը կմատուցվի գորիլաների վանդակների մոտ:

Երկու ննջարան ունեցող սենյակներում գիշերելն էլ 750-1050 ֆունտ ստեռլինգ կարժենա (1160-1625 դոլար):

Բրիստոլի կենդանաբանական այգին բացվել է 1836թ.-ին: 2007թ.-ին այստեղ բնակվել է 419 տեսակի 7155 կենդանի:

Հունիսին Մեծ Բրիտանիայում զբոսաշրջիկներին առաջարկում էին գիշերել մի շինությունում, որը նախկինում խոզանոց էր ծառայել: Նման ծառայություն է առաջարկում CwmrcwthFarm իջևանատունը, որը գտնվում է Քարմարթենշիր կոմսության գյուղերից մեկում: Այստեղ գիշերելու արժեքը կազմում է 45 ֆունտ ստեռլինգ (շուրջ 70 դոլար):