ԵՐԵՎԱՆ, 24 հոկտեմբերի – Sputnik. 1895 թվականին Սթիվենս կղզում թռչունների նոր տեսակ հայտնաբերվեց, որը հենց նույն տարում էլ վերացած տեսակ հայտարարվեց: Ընդ որում, թռչունների այս տեսակը վերացավ տնային կատվի «շնորհիվ»:
Ինչպես գրում է nat-geo.ru-ն, մացառուտային ցախսարեկները (Xenicus lyalli) նախկինում տարածված էին Նոր Զելանդիայում: Այս երգեցիկ թռչունները թռչել չէին կարողանում և միայն վազում էին գետնի վրայով: Ինչ-որ ժամանակ անց հյուսիսային-խաղաղօվկիանոսյան կղզիներից մարդիկ եկան Նոր Զելանդիա և իրենց հետ առնետներ բերեցին: Բնականաբար, կրծողների ամենահարմար կերակուրը դարձան ցախսարեկները, և թռչունները հայտնվեցին վերացման եզրին:
Թռչունների պոպուլյացիան կատարվում էր միայն Սթիվենս կղզում, որտեղ թռչունները երկար ժամանակ թշնամիներ չունեին: Սակայն 1894 թվականին կղզում փարոս կառուցեցին, և այստեղ աշխատելու եկավ Դևիդ Լայելը՝ իր կատվի՝ Թիբլսի հետ: Կատուն սկսեց փոքր թռչուններ որսալ և բերել տիրոջը: Նա էլ իր հերթին թռչուններից մի քանիսը տվեց գիտնականներին, և 1895 թվականին գրանցվեց, որ թռչունների նոր տեսակ է հայտնաբերվել: Բայց այդ ժամանակ արդեն այդ թռչունների գեթ մեկ նմուշ չէր մնացել. նրանց վերացրել էր կղզում բնակվող միակ կատուն:
Թռչունների մի ողջ տեսակ ոչնչացրած կատուն
© Sputnik / Александр Вильф
/ Բաժանորդագրվել
Տնային կատուն որսում էր թռչուններին և տալիս տիրոջը
