ԵՐԵՎԱՆ, 22 հոկտեմբերի – Sputnik. Հայաստանի սահմաններից դուրս «Ցեղասպանությունն իբրև մարդկության դեմ ուղղված հոգևոր-բարոյական հանցագործություն» խոշորագույն միջազգային գիտաժողովը կազմակերպել է Հայ առաքելական եկեղեցու Նոր Նախիջևանի և Ռուսաստանի թեմին առընթեր Հայագիտության կենտրոնը` Հայաստանի գիտությունների ակադեմիայի և Հայոց ցեղասպանության թանգարան-ինստիտուտի հետ համատեղ:
Գիտաժողովի կազմակերպիչների նպատակն է տալ Ցեղասպանություն երևույթի գիտական հիմնավորումը` ոչ միայն որպես մարդկանց զանգվածային ոչնչացման փաստ, այլև որպես հոգևոր-բարոյական հանցագործություն` ուղղված ողջ մարդկության դեմ:
Մոսկվայի գիտաժողովի աննախադեպ լինելը հաստատում է մասնակիցների ցանկը. ռուս և հայ անվանի գործընկերների հետ միասին Ցեղասպանություն երևույթը քննարկելու ցանկություն են հայտնել հեղինակավոր գիտնականներ աշխարհի 18 երկրներից, այդ թվում Ցեղասպանության հարցերով զբաղվող առաջատար մասնագետներ ԱՄՆ-ից, Եվրոպայից, Թուրքիայից, Իսրայելից, Ուկրաինայից, Մեծ Բրիտանիայից, Հունաստանից, Ավստրալիայից և Բրազիլիայից:
ХХ դարի սկզբին Հայոց ցեղասպանությունն իրականացրած Թուրքիայի ներկայացուցիչ, հայտնի պատմաբան Քաֆեր Սարիկայի մասնակցությունը նմանատիպ գիտաժողովին բացառիկ երևույթ է: Զեկույցով հանդես կգա ցեղասպանությունների պատմության և ռասիզմի հարցերով զբաղվող համաշխարհային ճանաչում ունեցող իսրայելցի գիտնական Յաիր Օրոնը: ԱՄՆ-ն ներկայացնում է հայտնի գիտնական Հենրի Թերիոն:
Ռուսական տեսակետը գիտաժողովի ժամանակ կներկայացնի ՌԳԱ ընդհանուր պատմության ինստիտուտի տնօրեն Ալեքսանդր Չուբարյանը, ինչպես նաև պրոֆեսոր, իրավաբանական գիտությունների դոկտոր Ռոբերտ Ենգիբարյանը:
Գիտաժողովի թեմայի արդիականությունը մեծ հետաքրքրություն է առաջացրել ոչ միայն գիտնականների շրջանում. իրենց մասնակցությունն արդեն հաստատել են կրոնական ներկայացուցիչներ, արվեստի և մշակույթի ականավոր գործիչներ, քաղաքագետներ և դիվանագետներ 30 երկրներից: Հայ առաքելական եկեղեցու Ռուսաստանի և Նոր Նախիջևանի թեմի նախաձեռնած գիտաժողովը մեծ հետաքրքրություն է առաջացրել Ռուսաստանի պետական կառավարման մարմինների ղեկավարների և երկրի խոշոր հասարակական և քաղաքական կազմակերպությունների շրջանում:
Գիտաժողովը նվիրված է լինելու Օսմանյան կայսրությունում Հայոց ցեղասպանության 100-րդ տարելիցին:
Տարբեր երկրների գիտնականները կներկայացնեն Ցեղասպանության թեմայով իրենց հետազոտությունները
13:02 22.10.2015 (Թարմացված է: 13:09 22.10.2015)
© Sputnik / Владимир Федоренко
/ Բաժանորդագրվել
Գիտաժողովի կազմակերպիչների նպատակն է տալ Ցեղասպանություն երևույթի գիտական հիմնավորումը` ոչ միայն որպես մարդկանց զանգվածային ոչնչացման փաստ, այլև որպես հոգևոր-բարոյական հանցագործություն` ուղղված ողջ մարդկության դեմ
