ԵՐԵՎԱՆ, 21 հոկտեմբերի- Sputnik. Վավերագրական կինոյի CineDOC-Tbilisi միջազգային փառատոնը կանցկացվի Թբիլիսիում 2015թ.-ի հոկտեմբերի 21-ից 25-ը: Փառատոնին կմասնակցեն Ռուսաստանի, Թուրքիայի և Անդրկովկասյան երկրների կինոռեժիսորները: Այս մասին հայտնում է Sputnik Գրուզիան:
CineDOC-Tbilisi-ն վավերագրական կինոյի միջազգային փառատոն է, որն անցկացվում է 2013թ.-ից:
«CineDOC-Tbilisi-ի ծավալն ամեն տարի աճում է ինչպես Վրաստանում, այնպես էլ Վրաստանի սահմաններից դուրս: Փառատոնի հանդիսատեսը կկարողանա դիտել այնպիսի վավերագրական ֆիլմեր, որոնք ներկայացվում են ռեժիսորական յուրահատուկ տեսանկյունից, ինքնատիպ աճով, հետաքրքիր պատմություններով և կերպարներով»,- ասվում է Կինեմատոգրաֆիայի ազգային կենտրոնի հաղորդագրությունում:
Այս տարի CineDOC-Tbilisi-ն կազմված է երեք բաժնից: Առաջինը միջազգային մրցույթն է, որին մասնակցում է 10 վավերագրական ֆիլմ:
Երկրորդ բաժինը կոչվում է Focus Caucasus: Այստեղ իրենց վավերագրական ֆիլմերը կներկայացնեն Կովկասի շրջանների և սահմանակից երկրների կինոռեժիսորները:
Երրորդ մրցույթային բաժնի` CineDOC-Young-ի շրջանակում կներկայացվեն 8-25 տարեկան երեխաների և երիտասարդների աշխատանքները:
CineDOC-Tbilisi-ի շրջանակում կկազմակերպվեն կինոցուցադրություններ, ինտերակտիվ բանավեճեր, վարպետության դասեր և բաց քննարկումներ կինոյի ոլորտի մասնագետների հետ:
Թբիլիսիում վավերագրական կինոյի միջազգային փառատոն կանցկացվի
© http://brainsly.net/
Բաժանորդագրվել
CineDOC-Tbilisi-ն վավերագրական կինոյի միջազգային փառատոն է, որն անցկացվում է 2013թ.-ից
