ԵՐԵՎԱՆ, 19 հոկտեմբերի – Sputnik. Միջխորհրդարանական միության (ՄԽՄ) 133-րդ վեհաժողովում Հայաստանի խորհրդարանականների պատվիրակությունը կսատարի ռուսական կողմի մի շարք նախաձեռնությունները, որոնց թվում են ՄԽՄ-ում ռուսաց լեզվի կարգավիճակի բարձրացման և ՄԽՄ-ի հաջորդ վեհաժողովը Ռուսաստանում անցկացնելու հարցերը, ՌԴ պետդումայի նախագահ Սերգեյ Նարիշկինի հետ հանդիպման ժամանակ ասել է ՀՀ ԱԺ խոսնակ Գալուստ Սահակյանը:
Սահակյանը հանդիպման ընթացքում խոսել է երկու երկրների խորհրդարանականների համագործակցության արդյունավետության և միջազգային միջոցառումների շրջանակում երկկողմ կապերի հաճախականության մասին:
«Մեզ տեղեկացրել են, որ ցանկանում են ռուսաց լեզուն միջխորհրդարանական միությունում պաշտոնական կամ գործնական լեզու ընդունել: Եվ ես կարծում եմ, որ մենք հաճույքով կաջակցենք այդ նախաձեռնությանը», — հայտնել է Սահակյանը:
Հայաստանի ԱԺ խոսնակն ավելացրել է, որ հայ խորհրդարանականները կողմ են, որ Միջխորհրդարանական միության հերթական վեհաժողովն անցկացվի Ռուսաստանում: Այս առաջարկությամբ հանդես էր եկել Դաշնության խորհրդի խոսնակ Վալենտինա Մատվիենկոն: Սահակյանը նաև նշել է, որ հայ խորհրդարանականների պատվիրակությունը կաջակցի ԱՊՀ Միջխորհրդարանական վեհաժողվի կարգավիճակը ՄԽՄ ասոցացված անդամ բարձրացնելու նախաձեռնությանը:
Սահակյանը համոզված է, որ երկու երկրների խորհրդարանները պետք է ավելի սերտ համագործակցեն միջազգային խնդիրների հետ կապված իրենց դիրքորոշումները համակարգելու համար: Հայկական պատվիրակությունը կարծում է, որ խորհրդարանականների դեմ կիրառվող պատժամիջոցները հակասում են ժողովրդավարական սկզբունքներին: Հայ պատգամավորներն անընդունելի են համարում երկրի նկատմամբ որևէ պատժամիջոցի կիրառումը:
Նարիշկինը ՀՀ ԱԺ ղեկավարին շնորհակալություն է հայտնել աջակցության համար:
Հայաստանը կաջակցի ՌԴ-ում Միջխորհրդարանական միության վեհաժողով անցկացնելու առաջարկին
Բաժանորդագրվել
Հայ խորհրդարանականները կողմ են, որ 2016 կամ 2017 թվականներին Ռուսաստանում անցկացվի Միջխորհրդարանական միության հերթական վեհաժողովը
