ԵՐԵՎԱՆ, 19 հոկտեմբերի- Sputnik. Sputnik Արմենիա մուլտիմեդիոն տեղեկատվական գործակալությունն ու ռադիոն Վերադարձի դասական երաժշտության 8-րդ փառատոն հետ մեդիագործընկերության շրջանակում կներկայացնեն փառատոնային հարթակի բոլոր նորությունները:
Sputnik Արմենիա պորտալի հայերեն և ռուսերեն բաժիններում օրագրի ձևաչափով կհրապարակվեն փառատոնի աֆիշն ու վերջին նորությունները: Sputnik Արմենիայի բացառիկ նյութերին կից կհրապարակվեն համերգների լուսանկարներն ու տեսանյութերը, Հայաստանի և աշխարհի խոշորագույն երաժշտական քննադատների մեկնաբանությունները, հարցազրույցներ փառատոնի մասնակիցների հետ (փառատոնին մասնակցում են երաժիշտներ Հայաստանից, Ֆրանսիայից, Մեծ Բրիտանիայից, Բելգիայից, Ճապոնիայից): Երաժշտական փառատոնի մասին նորությունները հասանելի կլինեն նաև Sputnik Արմենիայի ռադիոյի ունկնդիրների համար (fm 106.00) հայերեն և ռուսերեն տարբերակներով:
Վերադարձի դասական երաժշտության փառատոնը Հայաստանում անցկացվում է 2008թ.-ից: 2015թ.-ին անցկացվող փառատոնը նվիրված է Հայոց ցեղասպանության զոհերի հիշատակին և այդ ողբերգական իրադարձության 100-րդ տարելիցին: Փառատոնի հարթակները միավորում են ժամանակակից դասական երաժշտության տարբեր ոճերն ու ուղղությունները: Միջոցառման շրջանակում առաջին անգամ ելույթ կունենա փառատոնի քառյակը, որը միավորել է Հայաստանի և աշխարհի տարբեր երկրների երաժիշտներին:
Sputnik-ը (sputniknews.com) լրատվական գործակալություն է և ռադիո` տասնյակ երկրներում մուլտիմեդիոն տեղեկատվական ներկայացուցչություններով: Sputnik-ը ներառում է ավելի քան 30 լեզվով կայք, բջջային հավելվածներ և էջեր` սոցիալական կայքերում, ապահովում է անալոգային և թվային ռադիոհեռարձակում: Sputnik-ի լուրերը շուրջօրյա ռեժիմով թողարկվում են անգլերեն, արաբերեն, իսպաներեն և չինարեն լեզուներով:
Sputnik Արմենիան կպատմի Վերադարձի դասական երաժշտության փառատոնի մասին
19:00 19.10.2015 (Թարմացված է: 19:03 19.10.2015)
Բաժանորդագրվել
Sputnik Արմենիա պորտալի հայերեն և ռուսերեն բաժիններում օրագրի ձևաչափով կհրապարակվեն փառատոնի աֆիշն ու վերջին նորությունները
