ԵՐԵՎԱՆ, 19 հոկտեմբերի- Sputnik. Ուրալի երկրաշարժը Հայաստանի համար ոչ մի սպառնալիք չի ներկայացնում, Sputnik Արմենիա պորտալին հայտնեց Հայաստանի Սեյսմիկ պաշտպանության ազգային ծառայության ղեկավար Հրաչյա Պետրոսյանը:
Ռուսաստանի գիտությունների ակադեմիայի գեոֆիզիկական ծառայության տվյալով` Ուրալյան լեռների շրջանում, Սվերդլովի շրջանում, տեղի ժամանակով 02:44-ին 4,1 մագնիտուդով երկրաշարժ է գրանցվել:
Նախնական տվյալրով` ավերածություններ չկան: «Ուրալի երկրաշարժը ոչ մի կերպ չի անդրադառնա Հայաստանի վրա: Դա այլ շրջան է, որը ոչ մի կերպ կապված չէ մեզ հետ: Մեզ հիմա ոչինչ չի սպառնում»,- ասաց Պետրոսյանը:
Նրա խոսքով` Ուրալում տեղի ունեցած երկրաշարժը բոլոր համաշխարհային չափանիշներով թույլ է եղել և վտանգավոր չի եղել բնակչության համար: Ինչպես նա հայտարարել էր նախկինում, 2015թ.-ը բավական հանգիստ է տարի է Հայաստանի համար ստորգետնյա ցնցումների տեսանկյունից, և գրանցված երկրաշարժերի թիվը չի գերազանցել նորման:
Սեյսմիկ պաշտպանության ազգային ծառայությունը երկրի տարածքում տիրող իրավիճակին մշտապես հետևում է 150 կայանների օգնությամբ, որոնք ցնցումներն արձանագրում են տարբեր պարամետրերով:
Սեյսմոլոգ. Ուրալում գրանցված երկրաշարժը Հայաստանի համար սպառնալիք չի ներկայացնում
CC BY-SA 3.0 / Yamaguchi / Kinemetrics seismograph
Բաժանորդագրվել
Ռուսաստանի գիտությունների ակադեմիայի գեոֆիզիկական ծառայության տվյալով` Ուրալյան լեռներում 4,1 մագնիտուդով երկրաշարժ է գրանցվել
