ԵՐԵՎԱՆ, 18 հոկտեմբերի – Sputnik. System of a Down ռոք խմբին շնորհավորական ուղերձ է հղել աշխարհահռչակ ռեժիսոր Ֆրենսիս Ֆորդ Կոպոլան հանրահայտ` Փարաջանով — Վարդանով ինստիտուտի մրցանակին արժանանալու առթիվ։ Խմբին մրցանակը շնորհվել է Wake Up the Souls շրջագայության միջոցով արդարության վերականգնմանը նպաստելու համար, հայտնում է parajanov.com-ը։
Ռեժիսորի ուղերձում մասնավորապես նշվում է. «Ուզում եմ շնորհավորանքներս հղել System of a Down խմբին` իմ կողմից մեծապես հարգված կինոգործիչներ Սերգեյ Փարաջանովի և Միքայել Վարդանովի անվան մրցանակը ստանալու պատվին արժանանալու համար։ Շատ ուրախ եմ տեղեկանալ, որ խումբը պատրաստակամություն է հայտնել օգնելու վերականգնել Միքայել Վարդանովի «Փարաջանով. վերջին գարունը» ֆիլմը։ Այն ստեղծվել է արգելքների պայմաններում և ապացուցում է, որ արվեստի ուժն ի զորու է հաղթահարել ցանկացած սահմանափակում։ Ես կոչ եմ անում մյուսներին ևս միավորվել այս կարևորագույն նախաձեռնության շուրջ»։
Մրցանակի շնորհման հանդիսավոր արարողությունը կայանալու է Հոլիվուդում հոկտեմբերի 21-ին։
System of a Down խմբին շնորհավորել է Ֆրենսիս Ֆորդ Կոպոլան
17:28 18.10.2015 (Թարմացված է: 10:37 19.10.2015)
Բաժանորդագրվել
Խմբին մրցանակը շնորհվել է Wake Up the Souls շրջագայության միջոցով արդարության վերականգնմանը նպաստելու համար
