ԵՐԵՎԱՆ, 16 հոկտեմբերի– Spuntik. «Հայաստանի էլեկտրական ցանցեր» ՓԲԸ–ն նոր գլխավոր տնօրեն ունի, տեղեկացրել է ՀԷՑ–ի մամուլի քարտուղար Նատալյա Սարջանյանը։
Նրա խոսքով` 2011թ.–ից ՀԷՑ–ը գլխավորող Եվգենի Բիբինի հետ պայմանագիրը չեղյալ է հայտարարվել բոլոր շահագրգիռ կողմերի փոխադարձ համաձայնությամբ։
«ՀԷՑ–ի նոր գլխավոր տնօրեն է նշանակվել Կարեն Հարությունյանը։ Նա աշխատանքի բազմամյա փորձ ունի էներգետիկ ոլորտում, այդ թվում` ՀԷՑ–ում», – ասաց Սարջանյանը։
«Տաշիր» ընկերությունների խումբն ու «Ինտեր ՌԱՕ» ընկերությունը 2015թ.–ի սեպտեմբերի 30–ին ստորագրեցին Հայաստանի Հանրապետությունում էլեկտրաէներգետիկ ակտիվների գնման–վաճառքի մասին պայմանագիրը։ Գործարքին արդեն հավանություն են տվել Հայաստանի կառավարությունն ու Հանրային ծառայությունները կարգավորող հանձնաժողովը։
«Հայաստանի էլեկտրական ցանցեր» ՓԲԸ–ն իրականացնում է Հայաստանի տարածքում էլեկտրաէներգիայի մատակարարման և բաշխման գործունեություն, ինչպես նաև էլեկտրաէներգիան Վրաստան և Լեռնային Ղարաբաղ արտահանելու արտոնագիր ունի։
«Հայաստանի էլեկտրացանցեր» ընկերությունը նոր գլխավոր տնօրեն ունի
17:18 16.10.2015 (Թարմացված է: 17:44 16.10.2015)
© АРКА
Բաժանորդագրվել
2011թ.–ից ՀԷՑ–ը գլխավորող Եվգենի Բիբինի հետ պայմանագիրը չեղյալ է հայտարարվել բոլոր շահագրգիռ կողմերի փոխադարձ համաձայնությամբ
