Ինչպե՞ս կարելի է գնահատել ԱՊՀ ներկա վիճակը, կփոխարինի՞ արդյոք նրան ԵՏՄ– և ինչպե՞ս կազդի ԱՊՀ–ում իրավիճակի վրա Սիրիայում հակաահաբեկչական գործողություններին Ռուսաստանի մասնակցությունը։ Այդ հարցերով Sputnik–ը դիմել է Համակարգային վերլուծության և կանխատեսման կենտրոնի նախագահ Ռոստիսլավ Իշչենկոյին։
- Կա Եվրամիություն և կա Ազգերի բրիտանական համագործակցություն։ Նրանք միմյանց չեն փոխարինում, բայց Մեծ Բրիտանիայի համար հավասարապես կարևոր են։ Նույն կերպ կարելի է որոշել նաև Եվրասիական տնտեսական միության, ՀԱՊԿ, ՇՀԿ և ԱՊՀ հարաբերությունները։
ԵՏՄ–ում, ՀԱՊԿ–ում և ՇՀԿ–ում մենք գործ ունենք ձևակերպված տնտեսական կամ ռազմաքաղաքական դաշնակցային կառույցների հետ։ ԱՊՀ–ն ավելի փխրուն, ամորֆ գոյացություն է, այսպես ասած` արտաքին ուրվագիծ, որը նշում է ոչ միայն եվրասիական ինտեգրացման սահմանները, այլ նաև հետխորհրդային տարածքի կոնկրետ ինտեգրացիան, որը կարող է տեղի ունենալ միայն Ռուսաստանի շուրջ և Ռուսաստանի առաջատար դերի դեպքում։
Սիրիայում Ռուսաստանը հանդես է եկել Մերձավոր Արևելքի տարածաշրջանում փլուզվող ամերիկյան առաջնորդությունը զավթողի հավակնորդի դերում։ Ավանդաբար ով վերահսկում է Մերձավոր Արևելքը, նա հանդես է գալիս համաշխարհային առաջնորդի դերում։ Սակայն նրա համար, որպեսզի հայտը վերջնական իրականություն դառնա, պատերազմը պետք է ոչ միայն սկսել, այլ նաև հաղթել։ Առայժմ մինչև հաղթանակը Ռուսաստանի հարևանները, հատկապես ԱՊՀ պետությունները, հաշվի կառնեն աճող հնարավորությունները և Մոսկվայի ուժեղացող արտաքին քաղաքական ակտիվությունը։
Մի կողմից, դա խթան կհանդիսանա երկկողմ հարաբերություններում ավելի շատ կառուցողականության համար։
Մյուս կողմից, քանի դեռ Ռուսաստանը վերջնականապես չի ձևակերպել իր առաջատարությունը, հարևանները կորոնեն ռուսական հզորության հակակշիռ։ Ցանկացած թույլ պետություն միշտ նախընտրում է հավասարակշռություն պահել երկու ուժեղների միջև` պահպանելով ինքնիշխան քաղաքականության անցկացման և սեփական շահերի պաշտպանության հնարավորությունները։
Բացի այդ, ԱՄՆ–ն, որն աստիճանաբար պարտվում է Ռուսաստանին գլոբալ առաջնորդության համար պայքարում, անպայման կփորձի բարդացնել Մոսկվայի կյանքը մոտ ապագայում, որի մեջ մտնում են ԱՊՀ երկրները։ Այնպես որ առաջիկա տարիներին ԱՊՀ–ում ձանձրալի չի լինի։
Փորձագետ. առաջիկա տարիներին ԱՊՀ–ում ձանձրալի չի լինի
20:25 15.10.2015 (Թարմացված է: 21:24 15.10.2015)
Բաժանորդագրվել
Համակարգային վերլուծության և կանխատեսման կենտրոնի նախագահ Ռոստիսլավ Իշչենկոյի խոսքով` քանի դեռ Ռուսաստանը վերջնականապես չի ձևակերպել առաջնորդությունը, հարևանները կորոնեն ռուսական հզորության հակակշիռ
