ԵՐԵՎԱՆ, 15 հոկտեմբերի– Sputnik. Հայաստանը և Ղազախստանը կհամագործակցեն կրթության ոլորտում, հինգշաբթի Հայաստանի կառավարության նիստի ընթացքում հայտարարեց կրթության և գիտության նախարարի տեղակալ Մանուկ Մկրտչյանը։
Հայաստանի կառավարությունն այսօրվա նիստի ընթացքում հավանություն է տվել երկու երկրների միջև կրթության և գիտության ոլորտում համագործակցության մասին համաձայնագրի ստորագրմանը։
Ինչպես նշվում է համաձայնագրում, փաստաթուղթը թույլ կտա համապատասխան հիմք ստեղծել կրթական ծրագրերի կազմակերպման համար։
Նման պայմանագրային հիմքի առկայությունը թույլ կտա հետագայում ուղիղ համագործակցություն հաստատել երկու երկրների կրթական հաստատությունների միջև, կազմակերպել դպրոցականների, ուսանողների, դասախոսների և գիտնականների փոխանակման ծրագրերը։
Հայաստանը և Ղազախստանը կհամագործակցեն կրթության ոլորտում
© Photo : ARKA news agency
Բաժանորդագրվել
Փաստաթուղթը թույլ կտա համապատասխան հիմք ստեղծել կրթական ծրագրերի կազմակերպման համար
