ԵՐԵՎԱՆ, 14 հոկտեմբերի– Sputnik. Հայաստանի Հանրապետության արդարադատության նախարար Արփինե Հովհաննիսյանի հանձնարարականով հոկտեմբերի 14-ին ՀՀ արդարադատության նախարարի տեղակալ Սուրեն Քրմոյանը ՀՀ ԱՆ քրեակատարողական վարչության պետի առաջին տեղակալ Ռաֆայել Հովհաննիսյանի հետ այցելել է «Նուբարաշեն» քրեակատարողական հիմնարկում հոկտեմբերի 12-ից հացադուլի մեջ գտնվող ցմահ դատապարտյալներին: Այս մասին տեղեկացրել են ՀՀ արդարադատության նախարարության տեղեկատվության և հասարակայնության հետ կապերի բաժնից:
Սուրեն Քրմոյանն ու Ռաֆայել Հովհաննիսյանը տեղում ծանոթացել են դատապարտյալների խնդիրներին, քննարկել դրանց լուծման ճանապարհները և հորդորել են ցմահ դատապարտյալներին դադարեցնել հացադուլը` զերծ մնալով ծայրահեղ քայլերից ու գործողություններից: Բացի այդ` նրանք ցմահ դատապարտյալներին տեղեկացրել են իրենց վիճակի բարելավմանն ուղղված մի շարք օրենսդրական նախաձեռնությունների իրականացման մասին:
Ինչպես նշված է հաղորդագրության մեջ, ՀՀ արդարադատության նախարարությունը մշտապես ուշադրության կենտրոնում է պահում ցմահ ազատազրկման դատապարտված անձանց խնդիրները՝ ձեռնարկելով գործուն քայլեր դրանց լուծման ուղղությամբ:
Արդարադատության փոխնախարարը հորդորել է ցմահ դատապարտյալներին դադարեցնել հացադուլը
© Sputnik / Евгений Биятов
/ Բաժանորդագրվել
Արդարադատության նախարար Սուրեն Քրմոյանը հորդորել է ցմահ դատապարտյալներին դադարեցնել հացադուլը` զերծ մնալով ծայրահեղ քայլերից ու գործողություններից
