Դի Կապրիոյի նշանադրության մասին լուրերը հաստատվում են

ԵՐԵՎԱՆ, 13 հոկտեմբերի– Sputnik. Հոլիվուդյան դերասան Լեոնարդո Դի Կապրիոն իր ընկերուհուն` մոդել Քելլի Ռորբախին, ծանոթացրել է ընտանիքի և ընկերների հետ։ Ինչպես գրում է The Daily Mail-ը. համատեղ ճաշը կինոաստղի և մանեքենուհու նշանադրության մասին լուրերի ճշմարտացիության ևս մեկ ապացույց կդառնա։ Ռորբախը նորաձևության աշխարհում հայտնի է «Ոտքեր» կեղծանունով։

Թերթը հաղորդում է, որ 40–ամյա Դի Կապրիոն և 25–ամյա Ռորբախը հյուր են գնացել դերասանի ծնողներին, որոնք ապրում են Լոս Անջելեսում։ Հետո բոլորը միասին գնացել են ճաշելու Դի Կապրիոյի սիրած ռեստորանում` Yuca's–ում։ Նրանց միացել է Լուկաս Հաասը` դերասանի լավագույն ընկերն ու գործընկերը։

Հոկտեմբերի սկզբին տեղեկություն էր տարածվել, որ Դի Կապրիոն և Ռորբախը նշանվել են, սակայն զույգը մինչև հիմա պաշտոնապես չի հաստատել այդ տեղեկությունը։

Դերասանի և մոդելի սիրավեպի մասին հայտնի է դարձել 2015թ.–ի հուլիսին։ Ռորբախը մեծ համբավ է ձեռք բերել Sports Illustrated ամսագրի համար նկարահանումներից հետո։ Իր «Ոտքեր» կեղծանունը նա ստացել է վերջույթների երկարության ու բարեկազմության համար։