ԵՐԵՎԱՆ, 13 հոկտեմբերի– Sputnik. Այսօր ռուսական հայտնի «Модный приговор» հաղորդումը սկսվել է հայկական երաժշտությամբ. «Հայաստանի ծաղիկներ» պարային համույթի անդամները` ազգային տարազներ հագած, պարել են հաղորդման ստուդիայում։
«Модный приговор» հաղորդման «Ազգային տարազի նորաձև ժառանգություն» բաժնում ներկայացվել են հայկական ազգային տարազի յուրահատկությունները: Նորաձևության հայտնի պատմաբան, բեմանկարիչ Ալեքսանդր Վասիլևն ասել է. «Այսօր մենք կտեսնենք, թե ինչպես են հին հայկական նախշերը նոր կյանք ստանում ժամանակակից հագուստներում»։
Նա հրավիրել է «Տերյան» մշակութային կենտրոնի տնօրեն, հայկական տարազի ուսումնասիրման փորձագետ Լիլիթ Մալիքյանին, ով զբաղվում է 18-20–րդ դարերի հայկական տարազի ուսումնասիրությամբ։ Մալիքյանը ներկայացրել է Վասպուրական գավառի, Կարին, Ուրֆա քաղաքների տարազները, պատմել դրանց յուրահատկությունների մասին
Օրինակ` Վասպուրական գավառում հատկապես տարածված է եղել կարմիր գույնը, և բոլոր ամուսնացած կանայք զգեստի վրայից անպայման շալ են կրել` ասեղնագործված կենաց ծառով, որը նրանց համար ծառայել է որպես հմայիլ։
Զրույցի ընթացքում Վասիլևը պատմել է, որ Ստամբուլում շատ հաճախ է նկատում հին հայկական նկարազարդված ափսեներ, գրքեր, հետաքրքիր իրեր, և միշտ այցելելում է հայկական եկեղեցիներ։
Ներկայացվել է նաև 20–րդ դարի սկզբի հարսանեկան զգեստ` զարդարված գեղեցիկ, ոսկեգույն ասեղնագործություններով։
Ռուսական «Модный приговор» հաղորդման ժամանակ հայուհին ներկայացրել է հայկական տարազը
© Sputnik / Асатур Есаянц
Բաժանորդագրվել
Ներկայացվել է նաև 20–րդ դարի սկզբի հարսանեկան զգեստ` զարդարված գեղեցիկ, ոսկեգույն ասեղնագործություններով։
