ԵՐԵՎԱՆ, 12 հոկտեմբերի – Sputnik. Երևանի «Բանանց» ֆուտբոլային ակումբը կմարզի Իսպանիայի մարզիչ Տիտո Ռամալիոն, երկուշաբթի մամուլի ասուլիսին հայտնեց «Բանանց» ակումբի գլխավոր տնօրեն Ռոման Ասխաբաձեն։
Ասխաբաձեի խոսքերով` ակումբում լուրջ փոփոխություններ են տեղի ունենում և դրանցից մեկը գլոբալ առումով Ռոմալիոյի և նրա թիմի գալուստն է։
Փոփոխությունները կանդրադառնան ոչ միայն առաջին թիմի վրա, այլև ակումբի նախապատրաստման ողջ գործընթացին, այդ թվում նաև երիտասարդական թիմին։ Ակումբում մտցվելու է նախապատրաստման միասնական համակարգ, սկսած պատանեկան թիմից վերջացրած հիմնականով։
«Ես մինչ այս ծանոթ չէի Տիտոյի հետ և գիտեի նրա մասին Իսպանացի մյուս մասնագետների միջոցով։ Մենք ծանոթացանք և Տիտոն արդեն գալիս էր Հայաստան։ Տիտոն պլան է մշակել։ Ինձ և բաժնետերերին այն ձեռք տվեց։ Ինչո՞ւ Տիտոն։ Նրա տեսլականը, փորձը, ինչը թույլ է տալիս աշխատել ոչ միայն առաջին թիմի հետ, այլև երիտասարդական թիմի, տեղավորվելով այն վեկտորի մեջ, որը մենք սահմանել էինք։ Նաև շատ կարևոր է, որ Տիտոն նաև մարզելու և նախապատրաստելու է ակումբի մարզչական կազմին», – նշեց նա։
Ինքը` Ռամալիոն իր հերթին նշեց, որ իր հետ միասին Հայաստան է ժամանել 8 հոգուց բաղկացած բարձր որակավորում ունեցող թիմ, որն ունի աշխատանքային փորձ Իսպանիայի առաջատար ակումբների հետ։
«Այս մասնագետների փորձը թույլ կտա ակումբի ներքին զարգացումն ավելի արդյունավետ դարձնել, որպեսզի «Բանանցը» կարողանա համապատասխանի միջազգային մակարդակի։ Այս ամենը խնդիրների լուծման նոր մոտեցում է ներառում և մարզչական գործընթացի վերանայում», – ասաց մարզիչը։
Ռամալիոն պատմեց, որ մոտ մեկ ամիս առաջ նա ուսումնասիրել է «Բանանցի» մասնակցությամբ խաղերը։ «Հայաստանում խաղն ավելի ուժային բնույթ է կրում, այն դեպքում երբ Իսպանիայում նախապատվությունը տրվում է ֆուտբոլային մտածելակերպի և ռազմավարության զարգացմանը։ Առաջին հերթին փոփոխությունները կանդրադառնան խաղացողների սովորույթների և վարքագծի վրա», – ասաց նոր մարզիչը։
Նա հայտնեց, որ իր թիմի առջև խնդիր է դրված միավորել հայկական ուժային մոտեցումը խաղի նկատմամբ և իսպանական ֆուտբոլային մտածելակերպը։
«Մենք մեր իսպանական մոտեցումն ունենք, որը կիրառում ենք, անհրաժեշտ է փոխել ակումբի միջավայրը, անհրաժեշտ է փոխել այն կանոնները և սովորույթները, որոնք այստեղ կան։ Խնդիրները, որոնք դրված են «Բանանցի» առջև շատ հավակնոտ են և լուրջ նպատակներ ունեն։ Անցումային շրջանը կտևի մոտ մեկ տարի։ Նպատակն է հասնել ծանրակշիռ եվրոպական մակարդակի», – նշեց Ռամալիոն։
45-ամյա Տիտո Ռամալիոն 1993-ից մինչև 2001 թվականը աշխատել է Լա Կորունիայի «Դեպորտիվո» ակումբում, այնուհետև մինչև 2012 թվականը եղել «Դեպորտիվո Բ»–ի գլխավոր մարզիչ։
2008-2010 թվականներին նա համատեղել է «Դեպորտիվո» պատանեկան կազմի պատասխանատուի պաշտոնը և ղեկավարում էր ակումբի սպորտային բազան։ Այնուհետև Ռամալիոն աշխատել է «Դեպորտիվոյի» առաջին կազմում որպես մարտավարական վերլուծության մարզիչ։
Երևանի «Բանանցին» մարզելու է իսպանացի մասնագետը «Դեպորտիվոյից»
20:43 12.10.2015 (Թարմացված է: 21:35 12.10.2015)
Բաժանորդագրվել
«Բանանցի» գլխավոր տնօրեն Ռոման Ասխաբաձեի խոսքերով, «Բանանցի» նոր մարզիչ Տիտո Ռամալիոյի փորձն ու տեսլականը այն վեկտորի սահմաններում են, որը սահմանել է Երևանի ակումբի ղեկավարությունը
