Էմիր Կուստուրիցան Երևանում համերգ կունենա

ԵՐԵՎԱՆ, 12 հոկտեմբերի– Spuntik. Աշխարհահռչակ ռեժիսոր և երաժիշտ Էմիր Կուստուրիցան և «The No Smoking Orchestra» ֆոլք–ռոք խումբը Երևանում համերգներ կունենան, Spuntik Արմենիա պորտալին տեղեկացրեց հայկական շոու–բիզնեսի աղբյուրը։ 

Համերգը տեղի կունենա նոյեմբերի 19–ին Կարեն Դեմիրճյանի անվան մարզահամերգային համալիրում։

Սերբ կինոռեժիսոր Էմիր Կուստուրիցան արժանացել է Եվրոպայի խոշորագույն կինոփառատոների մրցանակների, որոնց թվում են Կաննի կինոփառատոնի 2 «Ոսկե արմավենիները»։ Կուստուրիցան Պատվո լեգիոնի շքանշանի ասպետ է, Սերբիայի Հանրապետության Գիտությունների և արվեստների ակադեմիայի արտասահմանյան անդամ։

Բացի ռեժիսոր լինելուց, Կուստուրիցան նաև «The No Smoking Orchestra» ֆոլք–ռոք խմբի անդամ է։