ՌԴ նախագահ Վլադիմիր Պուտինը «Ռոսիա 1» հեռուստաալիքին տված հարցազրույցում հայտարարել է, որ չի հասկանում, թե ԱՄՆ–ն ինչու է հրաժարվել Սիրիայում «Իսլամական պետություն» ահաբեկչական կազմակերպության թիրախների մասին ռուսական կողմին տվյալներ տրամադրել։
Վլադիմիր Պուտինը հայտարարել է, որ իր համար անհասկանալի է, թե ինչու ԱՄՆ–ն չի ցանկանում տեղեկատվություն տրամադրել Սիրիայում ԻՊ թիրախների մասին։
«Մենք նրանց ասել ենք… Տվեք մեզ թիրախները։ Մենք դրանք կմշակենք։ Հրաժարվեցին։ Ասացին, որ` ոչ, մենք նման մակարդակով չենք աշխատի։ Անհասկանալի է, թե ինչու, եթե նրանք իսկապես ավելի լավ գիտեն և ցանկանում են պայքարել ահաբեկչության դեմ»,– ասել է Պուտինը «Ռոսիա 1» հեռուստաալիքի եթերում Վլադիմիր Սոլովյովին տված հարցազրույցում։
Նախագահն ափսոսանք է հայտնել, որ ՌԴ–ն և ԱՄՆ–ն դեռ չեն հասել համատեղ աշխատանքի նման մակարդակի։
Հարցազրույցում Պուտինն ընդգծել է, որ Ռուսաստանը նախօրոք ծանուցել է Սիրիայում պատրաստվող գործողության մասին` ցույց տալու համար, որ Մոսկվան բաց է համատեղ աշխատանքի համար։
Սեպտեմբերի 30-ին Ռուսաստանը Սիրիայի նախագահ Բաշար Ասադի խնդրանքով սկսել է կետային ավիահարվածներ հասցնել Սիրիայում «Իսլամական պետության» օբյեկտներին: Այդ ընթացքում օդային-տիեզերական ուժերն ահաբեկիչներին հասցրել են երկու հարյուր հարվածներ՝ ոչնչացնելով շուրջ 300 գրոհայինների, հրամանատարական կետեր, զինապահեստներ և այլն:
Պուտինն ափսոսանք է հայտնել, որ ԱՄՆ–ն չի ցանկանում Սիրիայի հարցում համագործակցել ՌԴ–ի հետ
13:25 12.10.2015 (Թարմացված է: 17:52 12.10.2015)
© Ruptly
Բաժանորդագրվել
ՌԴ նախագահ Վլադիմիր Պուտինը «Ռոսիա 1» հեռուստաալիքին տված հարցազրույցում հայտարարել է, որ չի հասկանում` ԱՄՆ–ն ինչու է հրաժարվել Սիրիայում «Իսլամական պետություն» ահաբեկչական կազմակերպության թիրախների մասին ռուսական կողմին տվյալներ տրամադրել
