ԵՐԵՎԱՆ, հոկտեմբերի- Sputnik. ՌԴ նախագահ Վլադիմիր Պուտինը բացառել է Սիրիայում ցամաքային գործողության մեջ Ռուսաստանի զինված ուժերի կիրառման հնարավորությունը:
«Դա բացառված է: Ինչ էլ որ պատահի, մենք չենք պատրաստվում դա անել, և մեր սիրիացի ընկերները գիտեն այդ մասին»,- ասել է Պուտինը «Շաբաթվա լուրեր» ծրագրին տված հարցազրույցում:
Սեպտեմբերի 30-ին Ռուսաստանը Սիրիայի նախագահ Բաշար Ասադի խնդրանքով սկսել է կետային ավիահարվածներ հասցնել Սիրիայում «Իսլամական պետության» օբյեկտներին: Այդ ընթացքում օդային-տիեզերական ուժերն ահաբեկիչներին հասցրել են երկու հարյուր հարվածներ՝ ոչնչացնելով շուրջ 300 գրոհայինների, հրամանատարական կետեր, զինապահեստներ և այլն:
ՌԴ ԶՈՒ գլխավոր շտաբը հաղորդել է, որ ԻՊ գրոհայինները կրում են զգալի կորուստներ և փոխում ռազմավարությունը՝ տեղաբաշխելով ուժերը և թաքնվելով բնակավայրերում: Ռուս զինվորականների խոսքով՝ թիրախներն ընտրվում են Ռուսաստանի, Սիրիայի, Իրաքի և Իրանի հետախուզական տվյալների հիման վրա, կիրառվում է գերճշգրիտ սպառազինություն:
ՌԴ նախագահի մամուլի քարտուղար Դմիտրի Պեսկովն ավելի վաղ հաղորդել է, որ Սիրիայում ռուսական գործողությունը կիրականացվի սիրիական զինված ուժերի հարձակողական գործողությունների շրջանում: Կրեմլի աշխատակազմի ղեկավար Սերգեյ Իվանովը հայտարարել է, որ ցամաքային գործողության մասին խոսք անգամ չի կարող լինել:
Պուտինը բացառել է Սիրիայում ցամաքային գործողության մեջ ՌԴ ԶՈւ օգտագործումը
19:45 11.10.2015 (Թարմացված է: 17:51 12.10.2015)
© Ruptly
Բաժանորդագրվել
Ռուսական ավիացիան շարունակում է կետային ավիահարվածներ հասցնել Սիրիայում «Իսլամական պետության» գրոհայինների դիրքերին: Սակայն ռուսական զինված ուժերը չեն մասնակցի ցամաքային գործողության, ինչ էլ որ պատահի, հայտարարել է Վլադիմիր Պուտինը
