Հայտնի են աշխարհի լավագույն ավիաընկերությունների անունները

ԵՐԵՎԱՆ, 11 հոկտեմբերի– Sputnik. Օդային տրանսպորտի միջազգային ասոցիացիան որոշել է աշխարհի լավագույն ավիաընկերությունները։ Ըստ ծառայության մակարդակի, թռիչքում կապի առկայության, ինքնաթիռում պայմանների և սննդի, հարմարավետ վայրէջքի, ինչպես նաև կայքի հետ հարմար աշխատանքի`  աշխարհի լավագույն ավիաընկերություն է ճանաչվել Emirates Airline–ը։ Այն անվանվել է նաև Մերձավոր Արևելքում ամենաորակյալ օպերատոր։ Այսպիսով, Emirates Airline–ը ստացել է 13 մրցանակներից յոթը։

Աչքի են ընկել նաև Norwegian նորվեգական ավիաընկերությունը և ամերիկյան Virgin America–ն, որոնք կիսել են իրար մեջ մնացած պարգևները։ Norwegian–ն անվանվել է Եվրոպայի լավագույն ավիափոխադրող, իսկ Virgin–ը` ամենաորակյալ տարածաշրջանային ավիաընկերություն։

«Ասիա և Ավստրալիա» տարածաշրջանում հաղթող է դարձել Հարավային Կորեայի խոշորագույն փոխադրող Korean Air–ը։ Բացի այդ, լավագույն ավիաընկերությունների ցուցակում հայտնվել է իսրայելական El Al Israel Airlines–ը։