ԵՐԵՎԱՆ, 10 հոկտեմբերի- Sputnik. Երևան քաղաքի օրը, որն այս տարի տոնում է իր 2797-ամյակը, շաբաթ օրը նշեցին Հայաստանի մայրաքաղաքում՝ «Էրեբունի» հնագույն ամրոցի շրջակայքում, ժողովրդական զբոսահանդեսներով:
Արգելոց-թանգարանի դռներն այսօր բաց էին բոլոր ցանկացողների համար: Թանգարանի շենքից ոչ հեռու տեղադրվել էին վրաններ՝ անուշաբույր հյուրասիրություններով, քաղցրավենիքով, ինչպես նաև ձեռագործ իրերով՝ տիկնիկներով, աքսեսուարներով և հուշանվերներով: Փոքրիկ այցելուների համար կազմակերպիչները պատրաստել են թատերական ներկայացում:
«Էրեբունի» ամրոցի հայտնի ավերակների մոտ բարձրացել էին տասնյակ տեղի բնակիչներ և լուսանկարչական խցիկներով զբոսաշրջիկներ:«Էրեբունի-Երևան 2797» տոնակատարության շրջանակում հիմնական միջոցառումները տեղի կունենան կիրակի՝ հոկտեմբերի 11-ին:
«Էրեբունի» պատմահնագիտական արգելոց-թանգարանը Երևանի պատմական թանգարաններից է, որը գտնվում է Արին Բերդ բլուրում՝ ուրարտական ամրոցի ավերակների մոտ:
Թանգարանում հավաքված են շատ ցուցանմուշներ, որոնք հայտնաբերվել են 1950—1959թթ. Էրեբունի ամրոցի և ուրարտական Թեյշեբաինի քաղաքի պեղումների արդյունքում, որոնք տեղի են ունեցել Կարմիր բլուրում 1939—1958թթ.: Թանգարանը բացվել է 1968թ.-ին:
