ԵՐԵՎԱՆ, 10 հոկտեմբերի- Sputnik.Թուրքական ուղղաթիռների կողմից հայկական սահմանը հատելն ուղղված է Ռուսաստանի դեմ. Այս մասին «Sputnik-Արմենիա» ռադիոկայանի եթերում նշել է Հայաստանի Հանրապետության մարդու իրավունքների առաջին պաշտպան Լարիսա Ալավերդյանը:
«Ես համոզված եմ, որ դա պատասխան է Ռուսաստանի ինքնաթիռների կողմից թուրքական սահմանը հատելուն: Կապ չունի՝ դա պատահական է, թե պատահական չէ: Ինչու՞ դա արվեց, որովհետև մեր սահմանին հայկական դրոշի կողքին է Ռուսաստանի դրոշը, և նա այս քայլով հայտարարում է, որ պատասխանում է պաշտոնական Մոսկվային»,-ասաց Լարիսա Ալավերդյանը: Նրա խոսքով, մեզ համար կտրուկ արձագանքելը շահեկան չէ, այսինքն՝ պետական պատասխանը պետք է լինի շատ ավելի մտածված:
Ըստ նրա՝ Հայաստանն ու Ռուսաստանը պետք է բանակցեն ու պատասխանը լինի համարժեք:
Ալավերդյան. թուրքական ուղղաթիռների հայտնվելը հայկական օդային տարածքում պատահական չէր
20:30 10.10.2015 (Թարմացված է: 17:51 12.10.2015)
© Sputnik / Асатур Есаянц
Բաժանորդագրվել
Ըստ Ալավերդյանի՝ Հայաստանն ու Ռուսաստանը պետք է բանակցեն ու պատասխանը լինի համարժեք
