ԵՐԵՎԱՆ, 10 հոկտեմբերի– Sputnik. Առավոտյան վազքի արդյունքն ազդեցությամբ համեմատվում է ուղեղի վրա մարիխուանայի ազդեցության հետ։ Այդ մասին հայտարարել են բրիտանացի գիտնականները, հաղորդում է rosbalt.ru–ն։
Շատ մարդիկ, որոնք կանոնավոր վազում են առավոտյան, զգացմունքային վերելք են ապրում, նույնիսկ էյֆորիա։ Բացի այդ, դա ուղեկցվում է տագնապայնության և ցավային զգացողությունների նվազմամբ, եթե դրանք կան, հաղորդում է MED Daily–ն։
Ինչպես հայտարարել են հետազոտողները, վազքը հանգեցնում է մարդու արյան մեջ բետա–էնդորֆինի և անանդամիդի (էնդոկաննաբինոիդի) մակարդակի աճին։ Արդյունքում վազորդներն ավելի քիչ են նյարդայնանում և ավելի լավ են տանում ցավը։
