ԵՐԵՎԱՆ, 9 հոկտեմբերի – Sputnik. Հոկտեմբերի 9-ին, ժամը 16.06-ին ՀՀ ՏԿԱԻՆ փրկարար ծառայությունը ահազանգ է ստացել, որ Երևանի Ամիրյան փողոցի թիվ 26 շենքի (կիսակառույց շինություն) ինքնաշեն վերելակը պոկվել և ընկել է, կա տուժած. անհրաժեշտ է օգնություն:
Ինչպես հայտնում է ՏԿԱԻՆ–ի մամուլի ծառայությունը, դեպքի վայր է մեկնել մեկ մարտական հաշվարկ և ՀՆՓԱԻԿ փրկարարական ջոկատը:
Պարզվել է, որ մոտ 16 հարկանի կիսակառույց շինության արտաքին շինարարական ինքնաշեն վերելակը պոկվել և ընկել է. վերելակում է եղել 1961 թ. ծնված Հ. Դ.-ը, ով տարբեր աստիճանի մարմնական վնասվածքներով հոսպիտալացվել է «Թիվ 1 համալսարանական հիվանդանոց»:
Հրշեջ-փրկարարները սահմանազատել են տարածքը:
Տուժածի առողջական վիճակի մասին կտրվի լրացուցիչ տեղեկություն:
Երևանում ինքնաշեն վերելակ է պոկվել ու ընկել
18:11 09.10.2015 (Թարմացված է: 17:51 12.10.2015)
© Sputnik / Владимир Федоренко
/ Բաժանորդագրվել
Հրշեջ-փրկարարները սահմանազատել են տարածքը
