ԵՐԵՎԱՆ, 9 հոկտեմբերի– Sputnik. Հաշվի առնելով գինու, կոնյակի, պահածոյի ընկերությունների հզորությունները` անհրաժեշտ էր տարրական հաշվարկ կատարել պարզելու համար, թե որքան խաղող կարող է մթերել յուրաքանչյուր գործարան, «Sputnik-Արմենիա» ռադիոկայանին ասել է Գործատուների միության նախագահ, տնտեսագետ Գագիկ Մակարյան
Անդրադառնալով խաղողի մթերման խնդիրներին Մակարյանը նշել է, որ տևական ժամանակ է խաղողագործներին, տնտեսվարողներին հորդորում է սպասել մինչև գյուղատնտեսության նախարարությունը կկարգավորի խաղողի բերքի մթերման խնդիրը, այնինչ նախարարությունը վաղուց պետք է այդ խնդիրը կարգավորած լիներ:
«Նույն խնդրի մասին մենք խոսել ենք դեռևս տարեսկզբին, երբ Ռուսաստանում սկսվեց տնտեսական ճգնաժամը և ռուբլին արժեզրկվեց, մեր շատ արտահանողներ արդեն խնդիրներ ունեցան։ Մենք հասկացանք, որ նմանատիպ խնդիր է առաջանալու նաև մթերման ժամանակ»,–ասել է տնտեսագետը:
Մակարյանի հավաստմամբ, իրենք դիմել են նաև պատկան մարմիններին` տուժածներին փոխհատուցում տալու համար, սակայն գործընթացն ձգձգվել է այնքան մինչ որ ակնհայտ է դարձել, որ այդ կազմակերպությունները նույն քանակով մթերել չեն կարողանա։ Դրան գումարվել է նաև այն, որ այս տարի խաղողի բերքն առավել առատ է։ Հիմա, ըստ տնտեսագետի մթերողը երկու տարբերակ ունի, կամ պետք է հաշվարկ կատարի փորձի լրացուցիչ պայամանագրեր գտնել, կամ վարկ վերցնել կամ պետք է իրեն օգնի պետությունը:
«Որպեսզի այս քաոսն ամեն տարի չկկրկնվի, հարկավոր է զարգացնել տեխնոլոգիաները, ասենք սառնարաններում երկարաժամկետ խաղողը պահելու մասով: Այդ մոդելը բերում է նրան, որ տարվա ընթացքում հավասարաչափ են բաշխվում բերքի օգտագործումը»,–եզրափակել է Մակարյանը:
Տնտեսագետ. պետք էր հաշվարկել, թե յուրաքանչյուր գործարան միջինում որքան խաղող կարող է մթերել
17:19 09.10.2015 (Թարմացված է: 17:51 12.10.2015)
© Sputnik / Asatur Yesayants
Բաժանորդագրվել
Որպեսզի այս քաոսն ամեն տարի չկկրկնվի, հարկավոր է զարգացնել տեխնոլոգիաները
