Սա այն է, ինչ մենք ցանկանում ենք. Լաթաքիայի բնակիչները` ԻՊ–ի դեմ ՌԴ գործողության մասին

Լաթաքիա քաղաքի բնակիչները, որի մոտ գտնվում է ռուսական ռազմակայանը, ներկայացրել են Սիրիայում ՌԴ օդա –տիեզերական ուժերի (ՕՏՈՒ) գործողության մասին իրենց կարծիքը։ Դիտեք տեսանյութը, թե ինչպես են նրանք գնահատել Ռուսաստանի մասնակցությունը «Իսլամական պետություն» ահաբեկչական խմբավորման դեմ պայքարում։

Թղթակցի կողմից հարցված քաղաքացիները ոգեշնչված են ռուս զինվորականների գործողություններով։ Տղամարդկանցից մեկի խոսքով` ԻՊ–ի դեմ գործողությունն անհրաժեշտ էր։ Նա նշել է, որ այն սկսելուց հետո քաղաքում վերահաստատվել է նորմալ կյանքը։

«Մենք շատ թույլ էինք, իսկ հիմա հանգիստ ենք, արդեն աշխատանք կա։ Մենք վերադարձել են սովորական կենսակերպին և երջանիկ ենք»,– ասել է տղամարդը։

Մեկ այլ հարցված քաղաքացի աջակցություն է հայտնել ՌԴ նախագահ Վլադիմիր Պուտինին և ասել, որ Ռուսաստանի առաջնորդը «հարվածում է թիրախներին 100–տոկոսանոց ճշգրտությամբ»։

Սեպտեմբերի 30–ից Ռուսաստանն, Ասադի խնդրանքով, կետային ավիահարվածներ է հասցնում Սիրիայում «Իսլամական պետության» օբյեկտներին։

Թիրախներն ընտրվում են Ռուսաստանի, Սիրիայի, Իրաքի և Իրանի հետախուզական տվյալների հիման վրա։ Ռուսաստանում Սիրիայի դեսպան Ռիյադ Հադադն ավելի վաղ հաստատել էր, որ հարվածներ են հասցվում ահաբեկչական զինված խմբավորումների, այլ ոչ թե ընդդիմությանը կամ խաղաղ բնակչությանը։ Բացի այդ, նրա խոսքով, ռուսական ավիահարվածների արդյունքում արդեն ավերվել է ԻՊ ենթակառուցվածքի 40 տոկոսը։