ԵՐԵՎԱՆ, 9 հոկտեմբերի– Sputnik. Պետդումայի սահմանադրական հանձնաժողովի փոխնախագահ, Ռուսաստանի Դաշնության կոմունիստական կուսակցության իրավաբանականծառայության ղեկավար Վադիմ Սոլովյովն առաջարկել է Ռուսաստանի վարչապետ Դմիտրի Մեդվեդևին հանրաքվե անցկացնել Ռուսաստանում կենսաթոշակային տարիքը բարձրացնելու վերաբերյալ։
Մեդվեդևը չորեքշաբթի հայտարարել է, որ կենսաթոշակային տարիքը բարձրացնելու հարցը (այժմ 60 տարեկան տղամարդկանց համար և 55` կանանց) վաղ թե ուշ պետք է բարձրացնել, բայց առայժմ կեսաթոշակի անցնելու տարիքը չի փոխվի։
Պատգամավորի խոսքով` կառավարությունը պետք է ստանա բնակչության աջակցությունը, նախքան կենսաթոշակային տարիքը բարձրացնելու մասին որոշումը։
«Որպեսզի պետությունը ստանա կենսաթոշակային տարիքը բարձրացնելու թույլտվություն, կարելի է այդ խնդիրը լուծել միայն մեկ միջոցով` անցկացնել հանրաքվե։ Այն մեր երկրում գերագույն իրավաբանական ուժ ունի։ Եթե մարդիկ հավանություն տան կառավարության որոշմանը, դա մի իրավիճակ է։ Եթե դեմ քվեարկեն, նշանակում է, պետք է օրակարգից հանել այդ խնդիրը»,– ասել է Սոլովյովը։
Ավելի վաղ ֆինանսների նախարար Անտոն Սիլուանովը հայտարարել է, որ անհրաժեշտ է շտապ լուծել կենսաթոշակային տարիքը բարձրացնելու հարցը,ինչը թույլ կտա հավասարակշռել կենսաթոշակային համակարգը և չավելացնել ընկերությունների վրա հարկային բեռը։ Սակայն կառավարության սոցիալական բլոկում աղբյուրն ասել է, որ առաջիկա 3-5 տարիներին կենսաթոշակային տարիքը չի բարձրանա։ Քաղաքացիական նախաձեռնությունների հանձնաժողովի ղեկավար, ֆինանսների նախկին նախարար Ալեքսեյ Կուդրինը կարծում է, որ կեսաթոշակային տարիքը կբարձրանա երեք տարի անց` նախագահի ընտրություններից հետո։
Ռուսաստանի Կոմկուսն Մեդվեդևին առաջարկում է կենսաթոշակային տարիքի հարցով հանրաքվե անցկացնել
13:34 09.10.2015 (Թարմացված է: 17:51 12.10.2015)
© Sputnik / Владимир Федоренко
/ Բաժանորդագրվել
Պետդումայի պատգամավոր Վադիմ Սոլովյովը կարծում է, որ այդ հարցը չի կարելի դիտարկել` առանց հաշվի առնելու քաղաքացիների կարծիքները, և կենսաթոշակի անցնելու տարիքը կարելի է բարձրացնել` միայն ստանալով բնակչության աջակցությունը
