Փաբիո Կապելոյի ժամանումը Հայաստան պատված է գաղտնիության շղարշով

ԵՐԵՎԱՆ, 7 հոկտեմբերի – Sputnik. Չորեքշաբթի հայկական ԶԼՄ–ներում տեղեկատվություն հայտնվեc, որ «Բանանց» ակումբի հրավերով Երևան է ժամանել հայտնի ֆուտբոլային մասնագետ Ֆաբիո Կապելոն:

Sputnik Արմենիա պորտալը փորձում է կապվել  «Բանանց» ակումբի ներկայացուցիչների հետ։ Որոշ տվյալների համաձայն` Կապելոյի ժամանման մասին տեղեկությունը, փաստորեն, ԶԼՄ–ների համար անհասանելի է, այդ թվում այն ԶԼՄ–ների, որոնք մասնագիտացված են սպորտի բնագավառում։

Հայ լրագրողները պատրաստվում են բողոք ներկայացնել, որ ֆուտբոլի աստղն անհասանելի է տեղացի թղթակիցների հետ հանդիպման համար, իսկ «Բանանց» ակումբի մամուլի քարտուղարությունը զանգերին չի պատասխանում։

Ավելի վաղ ԶԼՄ–ներում տեղեկություն էր հայտնվել, որ Կապելոն հանդիպել է նաև «Բանանց» ակումբի սեփականատեր Ջևան Չելոյանի հետ:

Մասնավորապես, տեղական կայքերից մեկը մեջբերել է Կապելոյի խոսքերը, ով նշում է, որ Հայաստանում գտնվում է իր ընկեր Ջևան Չելոյանի հրավերով` նոր նախագծի իրականացման նպատակով:

«Հուսով եմ որ այս նախագիծը շուտով կիրականանա, և այս թիմը հաջողությամբ հանդես կգա Եվրոպա լիգայում կամ Չեմպիոնների լիգայում», – Կապելոյի խոսքերն է մեջբերում football365.am կայքը:

Sputnik Արմենիա պորտալը շարունակում է պարզել Կապելոյի Հայաստան այցի մանրամասները։