Նալբանդյան. Ադրբեջանի` ԵՏՄ–ին անդամակցելու հարցը չի քննարկվում

ԵՐԵՎԱՆ, 7 հոկտեմբերի — Sputnik. Ադրբեջանի` Եվրասիական տնտեսական միությանը միանալու հարցը չի քննարկվում, չորեքշաբթի խորհրդարանում հարցուպատասխանի ժամանակ ասել է Հայաստանի արտաքին գործերի նախարար Էդվարդ Նալբանդյանը։

«Այժմ չի քննարկվում Ադրբեջանի անդամակցության հարցը ԵՏՄ–ին։ Հայաստանը Միության անդամ է, և ամեն երկիր կարծիքի իրավունք ունի, իսկ նմանատիպ որոշումներն ընդունվում են համաձայնության միջոցով»,– ասել է Նալբանդյանը։

ԵՏՄ–ն միջազգային ինտեգրացիոն տնտեսական միություն է, որը ստեղծվել է Մաքսային միության և Միասնական տնտեսական տարածքի հիման վրա։ ԵՏՄ–ն գործում է այս տարվա հունվարի 1–ից։ ԵՏՄ–ի անդամներն են Ռուսաստանը, Հայաստանը, Բելառուսը, Ղազախստանն ու Ղրղըզստանը։–0–