Երեխայի գլուխը պոկվել է ավտովթարի հետևանքով. բժիշկները փրկել են երեխայի կյանքը

ԵՐԵՎԱՆ, 7 հոկտեմբերի – Sputnik. Սեպտեմբերի 15–ին Ավստրալիայի Հարավային Նոր Ուելս նահանգում մեծ արագությամբ ընթանալու հետևանքով երկու մեքենաներ բախվել էին իրար։ Մեքենաներից մեկում եղել էր 16 ամսական Ջեքսոն Թեյլորը, նրա 9–ամյա քույրը և նրանց մայրը։

Գրեթե բոլոր ուղևորները թեթև վնասվածքներ են ստացել, սակայն ամենափոքրիկը հայտնվել է կյանքի ու մահվան շեմին. կոտրվել է նրա պարանոցը։ Բժշկական հետազոտությունը ցույց է տվել, որ նրա գանգուղեղն ամբողջովին անջատվել է ողնաշարից։ Նմանատիպ վնասվածքի պատճառով մարդը սովորաբար մահանում է, սակայն Ջեքսոնը հայտնվել է Ջեֆ Ասքինի ձեռքերում, որին ողնուղեղային վիրաբուժության ավստրալացի հայր են անվանում, հայտնում է ntv.ru-ն` հղում անելով Medical Daily–ին։

Ողնաշարի ամբողջականության վերականգնման վիրահատությունը տևել է վեց ժամ։ Այժմ Ջեքսոնն իրեն լավ է զգում, նրա գլուխը հատուկ սարքով է պահվում։ Բժիշկներն ակնկալում են, որ կկարողանան նրան դուրս գրել մի քանի շաբաթ անց։

Ինչ վերաբերում է փոքրիկի մորը, ապա վթարից հետո նա սկսել է զբաղվել անպատասխանատու կերպով մեքենա վարելու դեմ պայքարով։ Պարզվել է, որ ՃՏՊ–ի անմիջական պատճառը փողոցային ավտոմրցավազքի` ավտոճանապարհից ոչ հեռու պարապող մասնակիցների բարձրացրած փոշին։