ԵՐԵՎԱՆ, 7 հոկտեմբերի — Spuntik. Հռոմի պապ Ֆրանցիսկոսը 2016 թվականի Խաղաղության նոբելյան մրցանակի հավակնորդ է դարձել, հայտնում են արտասահմանյան ԶԼՄ–ները։
Շրջակա միջավայրի պահպանությանն ու սոցիալական արդարությանն ուղղված գործունեության համար Հռոմի Կաթոլիկ եկեղեցու առաջնորդը Խաղաղության նոբելյան մրցանակի հավակնորդ է դարձել
Հռոմի պապի թեկնածությունն առաջադրելու նախաձեռնողը Կանադայի խորհրդարանի նախկին անդամ Սարգիս Ասադուրյանն է։ Նրա նախաձեռնությանը կողմ է արտահայտվել ամերիկացի կոնգրեսական Ադամ Շիֆը։ Նա կարծում է, որ Ֆրանցիսկոսը դարձել է խաղաղության փաստաբան, որը պահանջում է դադարեցնել հակամարտությունները և ամրապնդել կապերը ժողովուրդների միջև։
«Նա կոչ է անում աշխարհին հակամարտությունների լուծման համար ոչ թե ուժ, այլ դիվանագիտություն օգտագործել։ Բռնությունից խուսափելու նրա ձգտումը, որը Պապը կյանքի է կոչում խոսքով և գործով, Խաղաղության նոբելյան մրցանակի հիմնական սկզբունքներն են»,– նշվում է կոնգրեսականի ուղերձում։
Այն փաստը, որ Հռոմի պապը հաստատել է Հայոց ցեղասպանության փաստն ապրիլին Վատիկանում անցկացված պատարագի ժամանակ, Շիֆն անվանել է «մարդու իրավունքի համարձակ պաշտպանություն և ինչպես նախորդ, այնպես էլ առկա ցեղասպանությունների դատապարտման» օրինակ։
ԶԼՄ. Հռոմի պապը Խաղաղության նոբելյան մրցանակի հավակնորդ է
18:27 07.10.2015 (Թարմացված է: 17:50 12.10.2015)
© Sputnik / Сергей Гунеев
/ Բաժանորդագրվել
Հռոմի պապի թեկնածությունն առաջադրելու նախաձեռնողը Կանադայի խորհրդարանի նախկին անդամ Սարգիս Ասադուրյանն է
