ԵՐԵՎԱՆ, 7 հոկտեմբերի –Sputnik. Քաղցրաշեն գյուղում թթված խաղողի հոտը երկրորդ օրն է՝ չի անցնում։ Անդրանիկ Մովսիսյանը 8 տոննան ճամփեզրին է թափել, որ անցնողները տեսնեն չմթերված բերքն ինչպես է փչանում։ Այս մասին հայտնում է «Ազատություն» ռադիոկայանը։
Անդրանիկ Մովսիսյանը պատմել է, որ գործարանի մոտ չորս օր հերթ է կանգնել, սակայն գործարանատերը հրաժարվել է խաղողը վերցնել, պատճառաբանելով՝ փչացած է։
«Հրաժարվել են անգամ կիլոգրամը 30 դրամով վերցնել», — ասում է Մովսիսյանը ու բողոքում․ — «Պարզ է, որ չորս օր գործարանը չընդունի՝ կնեխի: Ես նեխած չեմ հավաքել իմ այգուց, փչացել է մեքենայի մեջ»:
Այս տարվա առատ բերքը խաղողագործի ընտանիքի միակ հույսն էր։ Վարկերի պատճառով ժամանակին տնից զրկվել է, վարձով է ապրում, պարտքերն էլ օր-օրի ավելանում են։
Համագյուղացու օրինակն աչքերի առաջ ունենալով՝ քաղցրաշենցիներից շատերը տոննաներով խաղողը չեն քաղել։
Քաղցրաշենի գործարանում մթերում իրականացնող «Վինար» ընկերության տնօրեն Ավետ Գալստյանը անարդար է համարում իր հասցեին հնչող մեղադրանքները:
«Վարչապետի հորդորով խոստացել ենք նախորդ տարվանից շատ բերք մթերել, սակայն չենք խոստացել, որ անորակ բերքն ենք մթերելու», — ասում է տնօրենն ու պնդում, որ այս ընթացքում միայն երեք մեքենա են հետ ուղարկել․ — «Իրենք միակողմանի են նայում: Եթե վաղը, մյուս օրը այդ վատորակ պատրաստված գինենյութից կոնյակի սպիրտի հետ կապված ես խնդիր ունենամ, ոչ մի գյուղացի իմ կողքը չի կանգնելու»:
Մանրամասները` սկզբնաղբյուր կայքում։
Խաղողագործն իր ընտանիքի միակ հույսը՝ 8 տոննա խաղողը, ճամփեզրին է թափել
17:28 07.10.2015 (Թարմացված է: 17:50 12.10.2015)
© Sputnik / Чернов
/ Բաժանորդագրվել
Այս տարվա առատ բերքը խաղողագործի ընտանիքի միակ հույսն էր
